634 EX S. C. STUDIORUM

III. Dispositiones, quas hucusque Sacra Congregatio con- cessit clericis, qui penes Instituta studia non compleverint, novo adveniente scholari anno cessabunt omnino, ita ut biennii lex pluries ab hac Studiorum Congregatione decreta et a Summo Pontifice semper confirmata, nedum pro Hispania, sed pro Ca- tholicis omnibus Universitatibus per orbem erectis, strictim ser- vanda sit, rarissimis et extraordinariis, exceptis cas ibus , in quibus a Sacra Congregatione tantum dabitur dispensatio.

Verum hac prima erectionis periodo transitoria, hoc est a mense octobri huius labentis anni 1897 usque ad totum men- sem septembris 1898, ne alumnis eorumque familiis damnum afferatur, facultas fit Magnis Cancellariis eos ad examina pro licentia admittendi alumnos, qui S. Theologiae cursus in omni- bus Hispaniae Seminariis rite expleverint : S. Theologiae inquam tantummodo, non vero Philosophiae vel Iuris Canonici ; in dua- bus enim istis disciplinis haud constat fuisse alumnos iuxta an- tiquam studiorum rationem sufficienter instructus, prouti iure suspicari fas est in S. Theologia, cuius studio solidos septem annos eadem Studiorum ratio in Seminariis adhuc vigens prae- scribit.

IV. Pro gradibus in novem Pontificiis Institutis rite colla- tis, reciproca et mutua admittenda est validitas et recognitio, ita ut gradus in uno adepti, ab aliis validi habendi sint Insti- tutis.

Quin immo firma voluntas Summi Pontificis est, a qua nullo modo recedendum esse mandavit, ut gradus quos heic Romae vel alibi penes Catholicas Universitates vel Pontificia Instituta clerici hispani adepti fuerint, omnino validi in Hispa- nia censendi sint, quin nova ad effectus canonicos egeant reva- lidatione vel confirmatione, nec ad eorum validitatem novae sint expensae vel taxae exigendae.

Huiusmodi gradus revalidandi abusum, quem in nonnullis Seminariis, vulgo dictis Centralibus, invectum fuisse refertur, Sanctitas Sua omnino reprobat et d a m n a t , pro alumnis prae- sertim qui in spem Ecclesiae heic Romae succrescunt penes Hispanicum Collegium, cui in ipsis initiis mortale vulnus infer- re tur ab iis, quorum potissimum curis, studiis et expensis Col- legium ipsum, iuvenibus ingenio, diligentia et pietate praestan- tibus florescere in dies sub ipsius S. Pontificis auspiciis, vehe- menter Urbs tota laetatur.