EX S. G. RITUUM 639

MELITEN.: dubia quoad privilegia canonicorum.

Dignitates et Canonici Cathedralis Ecclesiae Melitensis, anno superiore, ex benignitate SS. Domini Nostri Leonis Papae XIII, fuerunt renuntiati Protonotarii Apostolici ad instar. Quum non- nulla sint exorta dubia tum quoad iuramentum et professionem fidei praescripta in Constitutione Pii Papae IX f. r. (1), quae inci- pit « Apostolicae Sedis officium », tum quoad privilegia, quibus, uti tales, gaudent ; hinc Sacrorum Rituum Congregationi se- quentia dubia pro solutione proposita fuerunt, nimirum :

1. An debeant omnes iuramentum et fidei professionem emittere, ad tramites praelaudatae Constitutionis, et quatenus affirmative, penes quem ?

2. An quum titulus Protonotariatus Apostolici ad instar toti Corpori sit collatus, praefati Dignitates et Canonici functio- nes celebrantes extra Cathedralem et absente Capitulo, peragere possint pontificalia ?

3. An Indulto gaudeant Oratorii privati ? 4. An titulum retineat Canonicus, qui resignavit praebendam

Canonicalem ? Et Sacra eadem Congregatio, ad relationem subscripti Se-

cretarii, audito etiam voto Commissionis Liturgicae, reque accu- rate perpensa, propositis dubiis respondendum censuit: Serve- tur Constitutio f. r. Pii Papae IX, quae incipit « Apostolicae Sedis » data IV Calendas Septembris anno 1872, praesertim ad Num. XXIII. Atque ita rescripsit, die 18 Martii 1898.

CAMILLUS CARD. MAZZELLA & R. C. Praefectus. L. * S.

DIOMEDES PANICI S. R. C. Secretarius.

MEXICANA: dubium quoad octavam Sanctissimae Trinitatis.

Rmus Dnus Prosper Iosephus Maria Alarcon Archiepisco- pus Mexicanus a S. Rituum Congregatione sequentium dubio- rum resolutionem humiliter efïïagitavit, nimirum :

Quum in Mexicana Archidioecesi ex benigna concessione Pii Papae VI, d. d. 5 Martii an. 1776 Octava Solemnitatis Cor-

(1) Constitutio haec relata fuit Vol. VII, 85.