IANUEN. 651

ita adhaesisse, ut elato Cardinali, perpetuo evanuerit, op- ponit patronus usitatissimam in foro Ancharani theoricam, nimirum patronatum, deficiente omnino familia, quod in themate dat, sed non concedit patronus non extingui, sed « transire ad heredes tam ex testamento, quam ab intestato ultimi de familia vel genere morientis, proindeque fieri hereditarium » Gagliardi De iurepatr. t. 1, cap. 11, n. 27.

Praeterea hanc doctrinam advocatus magis explicat per Rotae decisionem 581 cor. Bichio num. 4 et seq. - ibi - « N e iuspatronatus, deficientibus personis vocatis, transeat ad extraneos, sed beneficium libertatem acquirat, requiritur vel expressa extraneorum exclusio, vel quod dictiones ta- xative percutiant tempus deficientiae vocatorum, illisque adiectae sint ad limitandum iuspatronatus, ut declaravit Rota; Lotter. etc. alioquin casus deficientiae vocatorum tamquam a fundatore omissus remanet sub dispositione iuris communis, iuxta quam etiam extranei heredes succedunt in iure patronatus : Glossa etc. In casu autem nostro dictio- nem taxativa - tantum - appositam fuisse non limitate ad ius patronatus, sed favore masculorum, ut scilicet ipsi, donec extant praeferantur feminis, patet ex quo cadit super qualitate masculinitatis a fundatoribus requisita - ibi - ma- sculorum tantum legitimorum et naturalium semper in infi- nitum et in perpetuum, ut in puncto respondit Rota in Rhegien. etc. Prohibitio pariter quod iuspatronatus exire non possit de familia agnatorum masculorum descendentium non importat limitationem iurispatronatus, cum stet demon- strative, non autem taxative, et si quam inducit taxativam, temporalis est, durantibus agnatis masculis, ut in his ter- minis decisum fuit in Bononien. etc. ».

At Archiepiscopus instat affirmans, ius patronatus etsi ad cognatos vel heredes transiisset, tamen plane cecidisse in poenam usurpationum, quas admisit in bona Ecclesiae, Ora- tricis pater. - Respondit vero procurator, quam clientem plene et absolute culpam expiasse patris, quia erogavit quin- quaginta mille libellas, ut occupator bona dimitteret : tum