IANUEN. 653

iure ac substantia beneficii, nec praesentationi, nec devo- lutioni locus fieri potest; Rota cor. Gregor, dec 94, n 10; et in Bononien. parochialis 26 Ian. 1711 § ult. cor. Caffa- rello. Accedit lex Pontificis Innocentii in fundatione, quae vetat praescriptionem induci propter solam patronorum ne- gligentiam. Voluit enim, iis negligentibus, devolvi colla- tionem « ea vice : ita tamen quod ex hoc nullum patronis praeiudicium inferatur ».

Dein notat patronus ad praescriptionem, praeter duas vacationes, quadragenarium lapsum requiri, teste ReifFenst. lib. 3, tit. 38, num 125 - ibi « Amittitur patronatus per non usum longissimi vel longi temporis ad praescriptionem requisiti, si videlicet interea, bis saltem rector ecclesiae sine praesentatione est institutus ». Nec secus Gagliardi loc. cit. tom. 2,, cap. 24, num. 2 - ibi - « Sine crimine in primis amittitur ius patronatus praescriptione quadragenaria, scientibus et patientibus patronis». At nobilis mulier, ut primum libertatem nacta est per obitum patris, anno 1885, septem et viginti annis post primam vacationem, sua iura affirmavit, et anno 1886 exercuit in paroecia S. Crucis de Moneglia.

Ipse Archiepiscopus, instat orator, anno 1885 oratricis patronatum agnovit, eamque coram S. Congregatione affir- mavit patronam beneficii S. Mariae de Ri varólo. - Ex eo- dem patronatu Ordinarius parochum instituit ab illa nomi- natum ad ecclesiam S. Crucis de Moneglia.

Dein, notat orator, hoc saeculo omnes e familia Fieschi patronatum exercuisse, et Archiepiscopum Magnasco ius pa- tronatus in paroecia S. Mariae agnovisse etiam anno 1885, coram S. Congregatione.

Nullimode vero advocatus admittere vult , hunc canoni- catum iampridem a collegio disiunctum et paroeciae unitum periisse cum ceteris beneficiis, sed autumat hoc beneficium adiectum fuisse paroeciae S. Mariae subiective et inde ius patronatus adhaesisse beneficio parochiali. Suam intentionem confirmat patronus iudiciali sententia edita a civili Tribunali