NEAPOLITANA 653

magis difficultas, augescente nervosi tate, succresceret ; quo magis inconsulto Ianuarius ad coeundum impelleretur. Ac- cedit quod, fere per mensem ita socrus cum coniugibus con- vixit, ut illis die noctuque adesset, invigilans, an matri- monium consummaretur. Unde, deducit, nil mirum si in talibus adiunctis, vir suae uxori coire non potuisset.

Hac de re, prosequitur patronus, iure ac merito omnes medici, qui physice potentem Ianuarium renunciarunt, hanc fuisse inconsummationis causam aperte testantur.

Quibus concinunt medici Gubitosi, Gallozzi et Iennaco; et praesertim tres archiatri qui Romae Ianuarii genitalia explorarunt. Etenim Urbis medici suam relationem hisce verbis concludunt : « Che il fatto di non consumazione del matrimonio colla Sig. Amalia si spiega considerando le con- dizioni subbiettive e le estrinseche, nelle quali ebbe a trovarsi Gennaro, e che produssero impotenza psichica, occasionale, relativa, transitoria ».

Quorum sententiae eo magis advocatus putat accedendum esse : quia saepius huiusmodi casus hoc in foro occurrerunt. Et memorat quamplures causas ; in quibus non modo unum per mensem, sed plures annos vir uxori convixit : nec tamen morales ob causas, quamvis potens esset, matrimonium con- summare non valuit. Quod dicit iudicatum in causa Patavina die 14 maii 1898, in qua coniugalis conversatio septem annos duravit. Et in Lucana in quo vir per duos annos matri- monium consummare connisus fuerat ; sed frustra « cuius phoenomeni explicatio hauriebatur ex modestia sponsae, ultra modum rigida, ex viri timidi tate, ex turbatione animi, quam ipsa difficultas exitus ingerebat ». In quibus S. C. matr i- monium censuit dispensandum : sed viro nullo pacto vetuit, ut alias nuptias celebraret.

Mox pergit advocatus ad aliam obiectionem depromptam ex iudicio unius medici, qui Ianuarium impotentem praedi- cavit, medici nempe Antonii Cardarelli. Et contendit hoc iudicium corruere, si expendatur, quo fundamento nitatur. Et revera tria affert argumenta Cardarellius ad impotentiam