654 IANUEN.

qua supremum Tribunal definivit subiectivam unionem fuisse; ita ut simplicia beneficia adiecta uti mera accessoria habe- rentur erga paroeciam.

Quibus in utramque partem animadversis, propositum fuit diluendum

Dubium

An constet de iure patronatus in casu. RESOLUTIO. Sacra C. C. re disceptata sub die 8 Maii 1897

censuit respondere : Dilata. ANIMADVERSIONES EX OFFICIO. Animadversum in primis

fuit partium Procuratores Magistratum decisionem Rotae Rom. 581, coram Bichio carptim retulisse , ideo perutile creditur integrum textum referre, et est sequentis tenoris :

« Argumentum. - Ius patronatus reservatum favore fa- miliae agnatitiae in defectum vocatorum ne sit transito- rium ad extraneos, sed Ecclesia libertatem acquirat, quae requirantur? Late in decisione declaratur

« Unicum obiectum, in decisione huius causae edita die 24 Martii proxime praeteriti, non evacuatum excitarunt in- formantes pro Francisco Bracchio in Memoriali pro habenda nova audientia, nempe quod iuspatronatus beneficii contro- versi transire non potuerit ad Lauram et Ioannem, qui prae- sentarunt Pedianum, cum non sint de familia agnatitia ma- sculorum descendentium a Gabriele et Nicolao de Bracchiis primis patronis, nec in defectum vocatorum iuris patrona- tus transeat ad extraneos, quando illius reservatio habet di- ctiones taxativas ad personas vocatas, ut admittit prima decisio in § Non obstat, qualis adesse in casu nostro de- ducitur, ponderando tum dictionem, tantum ibi : Successor masculorum tantum quae taxativa est Rimin. iun. conf. 202 n. 3. S ad. decis. 29. num. 19, et in specie Lambert De iure patron, lib. 2, part. 1, q. 2, art. 14, num. 7, et art. 6, num. 4. Tum clausulam subsequentem ibi: Ita quod egredi nec exire possit, nec debeat quoquo modo de stirpe, progenie, seu familia agnatorum masculorum descenden-