NEAPOLITANA 655

impotentia. Iam vero viripotentia ex parte Amaliae extra omnem prorsus dubitationis aleam posita est.

Quoad Ianuarium vinculi defensor non diffitetur, medicum Cardarelli illum omnino ineptum ad coniugale opus procla- masse ; at, advertit a studio partium immune minime in iure censetur testimonium periti Cardarelli, quia patrem Amaliae ipse arcta amicitia complectitur. Praeterea testi- monium illud pugnat cum testimonio aliorum, qui Ianuarii corpus explorarunt, medentium.

Haud oratorem latent medici, qui physicam Ianuario non audentes appingere, eum psychica impotentia affectum, seu consternatione et examinatione perculsum fuisse arbitrantur. At quaerit defensor, quis metus ei iniecit ? Non certo Amalia, coniux amantissima, quae sub sacramenti religione affirmat sese viro auxilium praebuisse, ut explere valeret copulam.

Sed, quidquid sit de viri potentia, vel impotentia, ad virginitatis experimentum deinde de veniens defensor, refert praesenti in causa normas a S. C. C. praescriptas ad vir- ginitatem agnoscendam pessundatas fuisse.

Porro in Instructione die 22 augusti 1840 edita § Pro- cedendum etiam. Amplissimus Vester Senatus mandat ut exploranda mulier traducatur ad domum honestae matronae a iudice eligendae. At Amaliae sua ipsa in domo corpus re- cognitum est. Eodem modo cavetur : « Immergenda (explo- randa mulier) erit in balneo aquae tepentis a peritis prius recognoscendae, quod sit aquae purae, quo in balneo per spa- tium saltem trium quadrantium horae unius permanere de- bebit ». Sed Amalia « è rimasta nel bagno circa 15 minuti ».

Item in citata Instructione mandatum est : « Ad corporis inspectionem a singulis seorsim deveniendum erit ». Vide- licet altera obstetrix cubiculum in quo manet exploranda mulier, non ingrediatur antequam obstetrix altera, explo- ratione expleta, ex eodem cubiculo exierit. Sed neque prü- den tissimo huic praecepto satisfactum est nostra in causa. Illi actorum moderatores contenti fuerunt iubere, ne obste- trices sententiam quaeque suam ad invicem aperirent. - Rur-