660 EX S. C. CONCILII

Disceptatio Synoptica.

V O T U M C A N O N I S T A E . Animadvertit consultor, Curiam Fo- roliviensem, omnibus ad exitum perductis, sententiam tu - lisse pro nullitate matrimonii ex capite impotentiae mu- lieris.

Hisce quoad facti speciem carptim perstrictis, inquirere- oportet utrum sententia curiae episcopalis Forolivien. sit confirmanda vel infirmanda in casu ? seu an constet de nul- litate praefati matrimonii ex capite impotentiae mulieris. Quamvis depositio Iuliae plane adversetur perpetuitati im- potentiae, neque difficultatem exinde ortam penitus diluere- licuerit propter contumaciam, qua ipsa novae inspectioni sese subiicere obfirmate abnuit, nihilominus, tabulis proces- sualibus pro rei gravitate accurate perpensis, censerem quae- stionem affirmativa solutione esse dimittendam.

Etsi nuptias non concubitus, sed consensus faciat, in- dubium tamen est impotentiam coeundi antecedentem atque perpetuam nullum irritumque reddere matrimonium, non. modo iure ecclesiastico ut patet ex tot. tit. De frig. et malef., verum ipso quoque iure naturali, quia « in matri- monio, docente D. Thoma, 4 dist. XXXIV, quaest. I, art . IL est contractus quidam, quo unus alteri obligatur ad debi- tum carnale solvendum : unde sicut in aliis contractibus non est conveniens obligatio, si aliquis se obliget ad hoc quod non potest dare vel facere ; ita non est conveniens matri- monii contractus, si fiat ab aliquo qui debitum carnale sol- vere non possit ». Quia « quamvis actus carnalis copulae non sit de essentia matrimonii, tamen potentia ad hoc est de essentia eius; quia per matrimonium datur utrique coniu- gum potestas in corpore alterius respectu carnalis copulae » ibid. ad. 1. Censetur autem perpetua haec coeundi impo- tentia quotiescumque per nulla media licita citra miracu- lum et vitae discrimen removeri potest cap. Fraternitatis 6, De frig. et malef.