PARISIEN. 673

qui Ordinario Parisiensi rescripsit, ut suppletorium proces- sum conficeret ad normam instructionis a defensore vinculi exaratae, quae ita fuit digesta :

« 1° Excutiantur testes ex officio. Veri enim absimile non est, alios, praeter testes a Constantia productos praesto esse, de factis matrimonii celebrationem praecedentibus, con- comitantibus et subsequentibus instructos.

« 2° Igitur spectatissimo viro qui matrimonii iura apud Archiepiscopalem Curiam ex officio tuetur, grave non sit ea qua praestat diligentia et dexteritate perquirere atque omni industria curare, ut ii ad examen adducantur.

« 3° Faciat autem quod possibile est, ut novi testes ad examen accedant inscia parte, ab eisque inter quaestiones generales quaerat num ab interesse habentibus rogati sint de testimonio.

« 4° Specialiter vero quaestiones concinnabit pro alta sua prudentia et conscientia ».

Curia Parisiensis, qua par erat sollicitudine, novos testes ex officio excussit et processu expleto, acta S. C. transmisit, haec habens : « si mentem nostram aperire fas est colligen- dum putamus, huius Curiae sententiam circa hanc causam, ex actis recentioribus firmiorem potius evasisse ».

Actricis patronus duas in partes dispescit suam orationem, atque in prima parte refutantur testimonia aliquorum te- stium, qui in hoc processu suppletorio contra actricem de- posuerunt, in altera aliorum testium depositionibus suam thesim comprobare contendit.

Quibus refutatis, >ad alteram partem suae orationis de- scendens patronus affirmat ex hoc suppletorio processu, cau- sam suae clientis firmiorem potius evasisse et praeprimis observabat mirandum non esse quod non omnes testes inscia parte ad examen accesserint, veluti in votis matrimonii de- fensoris erat. Quum enim curia, quae sub initium, huius- modi, non dicam iussui, sed consilio « faciat quod possibile est » obtemperare quaesierat, quosdam testes se infensissime gerere vidisset, aequum duxit attestationes parti communi-

Acta.'ïTom. XXX. fase. CCCLIX. 4 3