674 PARISIEN.

care et facultatem facere sese defendendi. Et recte, iuxta defensorem, egit Curia; nam legitima defensio iuris naturae est, nec deteriorem facere Constantiae conditionem curia potuisset, quod profecto, accidisset, si tabulis processualibus rimatis, facultas data esset eius adversariis quidquid vel- lent deponendi, non vero actrici eorum calumnias refellendi. Hoc dicto, ad examen testium descendit.

Iuxta patronum circumstantiae omnes quae metum gra- vem constituunt, in novo processu, ut innuebamus, mirifice confirmantur. Et revera, quoad matris indolem, testes repe- tunt fuisse asperam, violentam, iracundam, absolutam.

Praeterea, refert advocatus, ex actis postremis luculenter colligitur, matrem insanae ambitionis cupiditate ductam, nomine divitiisque Marchionis al lectam, matrimonium fir- miter voluisse, e contra filiam alieno amore accensam, pravis moribus Marchionis indignatam, illud perhorruisse. Colli- guntur etiam aspera inter matrem filiamque certamina, col- liguntur iniuriae, contumeliae, saevitiae in insontem puellu- lam, colliguntur verbera, suicidii conatus, e domo expulsio, exhereditatio : haec autem varii testes confirmant.

Sed ubi, iuxta patronum, novus processus excellit, est in testimoniis et attestationibus scriptis circa Constantiae incorruptos mores, fidem immotam, veritatis amorem, reli- gionem insignem.

ANIMADVERSIONES DEFENSORIS S. VINCULI. Vinculi defensor e contra sustinet Constantiae matrimonium fuisse validum, quippe nulla coactione contractum, uti comprobant plures testes in hoc processu suppletorio excussi.

His positis, sacramenti tutor observat, praesentem cau- sam non differre a Bononien. nullitatis matrimonii, de qua fuse ipse egit in animadversionibus diei 23 Ianuarii nuper elapsi, quas resumere Emi Patres sueta benignitate digna- buntur. Si quod inter istam et illam causam intercedit dis- crimen, iuxta oratorem, in eo tantum consistit quod bono- niensis iudex inquisitor cum advertit testes ex officio vocatos cum testibus ab actore productis e diametro pugnare, haud