686 EM S. G. EP. ET REGUL.

dinis sacerdotalis. Maxima enim differentia est inter consue- tudinem quae introducta est in bonum integrae communitatis et praescriptionem quae respicit tantum privati bonum. Hinc prudens fuit Principis consilium reprobandi p r e v e n - tive illas consuetudines per quas ordo socialis turbaretur, vel ex quibus nervus ecclesiasticae disciplinae disrumperetur. At hoc periculum exulat in praescriptione poenali. Vel enim agitur de delictis manifestis vel ita occultis ut ea facile de- tegi possunt, et tunc sibi imputent si qui inquirendi vel ac- cusandi ius et officium habebant, non exercuerunt praefinito temporis spatio: vel agitur de delicto totaliter occulto, et tunc nullum periculum scandali timeri potest: et dato quod delictum evadat progressu temporis manifestum, accusatori vel inquisi- tori integrum manet tempus procedendi contra delinquentem.

Demum ut praescriptio utiliter invocari possit requiritur ut totum tempus sit decursum, et quidem de die in diem seu quod non fuerit interrupta, sive per querelam vel inqui- sitionem vel alium actum procedendi; ita Farin. Lc. n. 28: Non procedit praescriptio quando ante praescriptionem com-

pletam vel accusator querelam seu libellum accusationis

porrexisset, vel fiscus et, eo instante, iudex ex officio inqui-

sitionem formasset, tunc enim dicitur interrupta praescri-

ptio in criminalibus etiam non interveniente citatione, licet

secus sit in civilibus.

Quoad alterum requisitum nempe bonae fidei Rmus Con- sultor observat, quod bona fides requiritur in praescriptio- nibus acquisitivis, et illis extinctivis, in quibus praescribens aliquem positivum actum emittere debet, non autem in illis in quibus praescriptio procedit ex non exercitio iuris illius, contra quem praescribitur, et quae nullum positivum actum requirunt ex parte praescribentis, ut in servitutibus praedia- libus. In his vel nulla bona fides exigitur, vel si exigatur consistit in non impediendo exercitio iuris alieni. Ad hanc ultimam cathegoriam praecise spectat praescriptio poenalis, ut quaestio de bona fide est supervacanea, et reapse crimi- nalista^ de ea non inquirunt.