EX S. G. RITUUM 691

voluntatem Dei satis sibi cognitam dicit esse; orat ut se in so- dalium numerum adsciscere ne graventur. At Praeses Socie- tatis qui non ignorat Petrum Lusitaniae classi pro esse et Re- gium esse Cosmographum merito veretur si eum recipiat, ne Proregi faciat iniuriam. Propositi sui ille tenax ad Patres Kar- melitas Excalceatos se confert apud quos idem beneficium quod a Societate Iesu frustra petierat non sine negotio tandem ex- orat. Id posteaquam Prorex resciit excanduit et graviter cum Coenobii Vicario, qui Petrum exciperat, conquestus est. Vica- rius demisse respondet Petrum ortu et Civitate Gallum Lusi- tanorum lege esse solutum et eam posse quam petit tenere vi- tae rationem; ceterum eius nomine se de Petro spondere, si res postulet Lusitanis illius operam non defuturam. Huic re- sponso Prorex adquievit, et Petrus voti compos Karmelitarum Excalceatorum vestem induit posuitque alacriter tirocinium. Sed paullo post Batavi Govensem portum classe maxima obside- runt, et Prorex sponsionis memor Dionysii operam poposcit. Vicario Coenobii persuadente ut obsessam civitatem defendat Dionysius morem gerit atque operi illico se accingit. Quapro- pter milites tumultuarios colligit, accesse instruit, praelium com- mittit, tres dies ipsos cum hoste in armis exercitu intrepide de- certat. Non ille clypeo scutoque ad repellendos ictus non galea et lorica ad obtundendos utitur, sed lanea indutus veste Karme- li, nudato capite Crucemque Redemptoris Iesu pro gladio di- stringens in prima acie versari ubi confertissimi instant hostes accurrere, omnia providere, laborantibus subvenire, ignavos excitare verbo et exemplo. Tandem oppido ab obsidione libe- rato portum redimit, et dum civitas universa obviam Dionysio sese effundit, se ipse subducit et in coenobii claustra clanculum confugit. Ibi in amico silentio solitudinis, in tranquillitate pacis ad tirocinium suum belli causa intermissum acriori studio se refert. Eo post paucos menses absoluto solemnia vota emittit deinde Sacerdotio initiatus primitus singulari animi laetitia sa- cris operatur. Quum vero apud se reputans non amplius se sui iuris sed Dei proprium esse quasi mancipio ac nexu, incre- dibile fere est quanta voluntatis abdicatione totum Dei gloriae et familiae Karmelitae incolumitati et bono aeternaeque proxi- morum saluti se dediderit. Ea tempestate accidit ut. Prorex Goensis Achen ad urbem principem Sumatrae insulae Franci- scum Soza de Castro legatum mitteret. Hic Dionysium habebat