694 EX S. C. RITUUM

vulgari iussimus de Martyrio et de causa Martyrii et de signis- Martyrium confirmantibus. Denique ad actorum legitimam se- riem perficiendam in generali sacrae rituum Congregationis- conventu qui habitus est coram Nobis die vigesima septima mensis Martii propositum dubium fuit an stante approbatione martyrii eiusque causae, miraculorum seu signorum Martyrium illustrandum tuto procedi posset ad solemnem eorundem ve- nerabilium Servorum Dei Beatificationem, et omnes unanimi consensione responderunt tuto id fieri posse. Nos tamen supre- mum Nostrum de re tanta iudicium non illico pronunciavimus, rati supernae opis gratiam esse interea implorandam. Die vero sexto Idus Aprilis eiusdem anni MCM NOS pacis Hostia perlitata decreto ediximus, tuto procedi posse ad honores Beatorum Cae- litum duobus Martyribus decernendos. Quae cum ita sint moti precibus Ordinis Karmelitarum Excalceatorum Nos Apostolica Nostra auctoritate harum litterarum vi facultatem facimus ut Ven. Servi Dei Dionysius a Nativitate ac Redemptus a Cruce Beatorum nomine in posterum nuncupentur et publicae fide- lium venerationi proponi valeant eorum imagines radiis deco- ratae. Dein eadem auctoritate Nostra concedimus ut de iis re- citetur quotannis Officium et Missa de communi Martyrum cum orationibus propriis a Nobis probatis iuxta Missalis et Brevia- rii Romani rubricas: eiusdem vero officii recitationem et mis- sae fieri concedimus in omnibus ecclesiis quibus uterque uti- tur ordo Karmelitarum Excalceatorum et Calceatorum ab omni- bus qui horas canonicas recitare teneantur. Demum concedi- mus ut solemnia Beatificationis dictorum Servorum Dei in tem- plis supradictis celebrentur cum officio et missa duplicis maioris- ritus quod quidem fieri praecipimus die ab Ordinario designan- da intra primum annum postquam eadem solemnia in Patriar- chali Basilica Vaticana celebrata fuerint. Non obstantibus Con- stitutionibus et Ordinationibus Apostolicis, ac decretis de non cultu editis ceterisque contrariis quibuscumque. Volumus ut harum litterarum exemplis etiam impressis manu Secretarii su- pradictae Congregationis subscriptis et sigillo Praefecti munitis- eadem prorsus fides in disceptationibus etiam iudicialibus ha- beatur quae Nostrae voluntatis significationis hisce litteris osten- sis haberetur. Datum Romae apud S. Petrum sub annulo Pi- scatoris die XV Maii MCM Pontificatus Nostri Anno xxin.

L. * S. ALOIS. CARD. MACCHI.