EX S. C. S. R. U. INQUISITIONIS 697

D E C R E T U M , quo declaratur Sacerdotem Paulum Miragl ia eiusque complicem incur- r isse i terum in maiorem excommunicationem.

Feria IV. die 13 lumi 1900.

Sacerdotem Paulum Miraglia e dioecesi Pactensi, sed in Piacentina degentem, ob plura eademque gravissima crimina atque immania scandala, quibus, incredibili audacia, atque ob- stinatione, Placèntinam Ecclesiam diu contristavit, Decreto hu- ius Supremae Congregationis S. Officii lato feria IV. die 15 Apri- lis 1896, praevia monitione canonica, a fidelium communione remotum fuisse, compertum est.

Cum tamen nihil is exinde melior effectus, sed in deteriora in dies proruens, eousque temeritatis ac pervicaciae novissime devenerit, ut ab haeretico viro Iosepho-Renato Vilatte, episco- palem characterem iactante, hunc in finem Placentiam arces- sito, in Episcopum consecrari sacrilego ausu attentaverit atque episcopales vestes et insignia, perinde ac si verus Episcopus censendus foret, publice deferre non dubitaverit; haec eadem Suprema S. Officii Congregatio, ne tantum facinus impunitum maneat ac ne ex legitimae auctoritatis silentio scandalum fide- les ultra patiantur, ipsum sacerdotem Paulum Miraglia eiusque complicem Iosephum Renatum Vilatte maiorem excommuni- cationem, ad normam Constitutionis « Apostolicae Sedis » Sum- mo Pontifici speciali modo reservatam, iterum iterumque mul- tiplici ex causa incurrisse, praesenti Decreto expressim decla- rat; fideles insimul graviter admonens, ut eos omnino devi- tent.

Datum Romae ex Aedibus S. Officii die, mense et anno supradictis.

I. Can. MANCINI .S. B. et U. 1. Notarius