EX S. C. NEG. ECCL. EXTRAORD. PRAEPOSITA 701

maculatam et ad beatos Coelites, eos praesertim, qui sanctitate sua Americam illustrarunt, effundendae, quibus divinum auxi- lium pro iis fidelibus populisque ardenter imploratur. Piae hu- iusmodi preces a Sacra Nostra Congregatione ritibus tuendis approbatae, et quarum exemplar in Tabulario Secretariae No- strae Brevium asservatur, titulum habent « Gratiarum actio et petitio pro fidelibus et populis Americae Latinae », verbis inci- piunt « Gloria Patri, gloria Filio, gloria Spiritui Sancto in sae- cula saeculorum - Amen », ac desinunt « in solemni profes- sione catholicae fidei - Amen ». Quo igitur earumdem pre- cum recitatio longe lateque evulgetur, atque in uberius anima- rum bonum cedat, Venerabilium praedictorum Fratrum votis obsecundantes, preces ipsas coelestibus Ecclesiae thesauris li- benti quidem animo ditamus. Quare de Omnipotentis Dei mi- sericordia, ac Beatorum Petri et Pauli Apostolorum eius au- ctoritate confisi, omnibus ac singulis utriusque sexus Christifi- delibus Americae Latinae vel in America Latina commoranti- bus, qui corde saltem contrito easdem, quas supra memoravi- mus, preces devote recitaverint, quo die id egerint, septem an- nos de iniunctis eis seu alias quomodolibet debitis poenitentiis in forma Ecclesiae consueta relaxamus, quas poenitentiarum relaxationes etiam animabus Christifidelium, quae Deo in ca- ritate coniunctae ab hac luce migrarunt, per modum suffragii applicari posse indulgemus. In contrarium facientibus non ob- stantibus quibuscumque. Praesentibus perpetuo valituris, ser- vato vero tenore nuperrimae Constitutionis Nostrae de sus- pensione indulgentiarum hoc anno Iubilaei. Datum Romae apud S. Petrum sub Annulo Piscatoris die III Aprilis MDCCCC , Pon- tificatus Nostri Anno Vigesimo tertio.

Pro Dno Card. MACCHI

NICOLAUS MARINI, Substitutus.