EX S. C. INQUISITIONIS 705

S. Congregationi dubium, utrum expediat in posterum eliminare facultates durante munere, quae ut plurimum Vicariis Capitu- laribus conceduntur.

Porro in Congregatione Generali S. R. et U. Inquisitionis habita ab EEmis et RRmis DD. Cardinalibus in rebus fidei et morum Inquisitoribus Generalibus, praefato dubio diligenter expenso, praehabitoque RR. DD. Consultorum voto, iidem EEmi ac RRmi Patres rescribendum mandarunt :

Clausulam durante munere, esse supprimendam et in ce- teris standum formae Decreti iam lati die 20 Februarii 1888 num. 1. et 2., at iuxta modum idest:

« I o . Facultates omnes habituales in posterum committen- das esse Ordinariis locorum ».

« 2°. Appellatione Ordinariorum venire Episcopos, Admini- stratores seu Vicarios Apostolicos, Praelatos seu Praefectos ha- bentes iurisdictionem cum territorio separato, eorumque Offi- ciales seu Vicarios in spiritualibus generales, et sede vacante Vicarium Capitularem vel legitimum Administratorem ».

Subsequenti vero Feria VI, die 22 eiusdem mensis Apri- lis 1898, in solita audientia R. P. D. Assessori impertita, facta, de his omnibus SSmo D. N. Leoni Div. Prov. Pp. XIII relatione SSmus resolutionem EEmorum Patrum approbavit, contrariis non obstantibus quibuscumque.

I. Can. MANCINI S. R. et U. I. Notarius.

DUBIA quoad accelerationem partus.

Beatissime Pater,

Episcopus Sinaloen., ad pedes S. V. provolutus, humiliter petit resolutionem insequentium dubiorum :

I. Eritne licita partus acceleratio quoties ex mulieris arcti- tudine impossibilis evaderet foetus egressio suo naturali tem- pore ?

II. Et si mulieris arctitudo talis sit, ut neque partus prae- maturus possibilis censeatur, licebitne abortum provocare aut caesaream suo tempore perficere operationem ?

III. Est ne licita laparatomia quando agitur de praegnatione extra-uterina, seu de ectopicis conceptibus ?