704 EX S. G. NEG. ECCL. EXTRAORD. PRAEPOSITA

tur ; tum de infausta dilatione baptismi parvulorum, ruri vel in locis ubi deficiunt sacerdotes, degentium; tum de corrigen- da parochorum negligentia quoad infirmos praesertim rurico- las Sacra Eucharistia reficiendus ; demum de aliis id genus ar- gumentis, quae ad Dei gloriam et salutem animarum prove- hendam necessaria vel utilia Episcopis, pro eorum zelo ác pru- dentia, videantur.

V. Propositiones et sententiae coetus Episcoporum, maxi- me vero graves difficultates quae in executione et observantia unius vel alterius decreti Concilii Plenarii occurrere possunt, ad notitiam Sanctae Sedis, sicuti par est, accurate deferantur, servata norma praescripta in articulo 995 eiusdem Plenarii Concilii.

VI. Acta huiusmodi consessuum episcopalium breviori qua fieri poterit forma redigantur; et si quae resolutiones vel prae- scriptiones clero vel fidelibus communicandae videantur, id per literas circulares vel per Epistolam pastoralem communem, concisa pariter forma exaratam, fieri poterit.

Plurimum autem confidit Sanctitas Sua, per Episcoporum omnium Americae Latinae concordem voluntatem et sollicitu- dinem, fructus laetabiles ex hisce congressionibus religioni et civitati, Deo iuvante, fauste obventuros.

Quae iussa et optata Beatissimi Patris, dum pro muneris mei officio significo Amplitudini Tuae Illmae ac Rmae, felicia omnia ac prospera a Domino adprecor

Romae, e Secretaria Status, die Ia maii 1900.

addictissimus M. CARD. RAMPOLLA.