712 STRIGONIEN.

tavit quidem Laurentius uxorem suam ad saniora consilia exprobrationibus reducere, sed frustra; rursus ad sibi de vin- cendum eius animum, et spe saltem in posterum ipsam adducendi in consensum copulae, suasit ei ut sibi emeret possessionem in ipsa (Mariti) patria, sed irrito prorsus co- natu; nam non solum obstinate copulam negavit, iam an- tea ab ipsamet uxore promissam, sed post paucos dies dis- cessit finaliter ab eo. Stante itaque hac constante et per- tinaci Idae obstinatione in denegatione debiti coniugalis, non video plane, qua ratione Laurentius matrimonium consum- mare potuerit intra illas tres hebdomadas, quarum exiguam tantum partem uxor in mariti domum transigebat, quaeque ut facilius impossibilem redderet coitum, ne nocte quidem vestes exuit. A fortiori id perficere nequi vit, post uxoris discessum, quia nonnisi occasione institutorum reconcilia- tionis tentaminum, hi coniuges convenerunt, quibus in cir- cumstantiis deerat etiam omnino opportunitas coeundi. - Tandem huius matrimonii inconsummatio luculenter demon- stratur, ex recognita, a Peritis in arte, virginali integritate uxoris, ad cuius corporis inspectionem Actor ipse provoca- vit Medicos. Etenim si uxorem cognoverit, quisque videt, quod nunquam ausus fuisset hanc inspectionem urgere, sic enim semet certissimae refutationi exposuisset. Quae omnia plene confirmantur ex iuramento ab Actore post examen nuncupato.

Sed hic merito quaeritur : possumus ne tuta conscientia fidem adhibere hisce Actoris affirmationibus sub iuramenti sanctitate firmatis? Puto quod ita. Nam testes omnes qui apprime ipsum agnoscebant, unanimi consensu iureiurando declarantur: Laurentium esse virum honestum, religiosum, indole constanti et animo gravi praeditum, proindeque quum iuramento deposuit non periurasse sed puram veritatem edi- xisse.

Testes vero nonnulli fatentur se certam notitiam non habere de numero dierum ac noctium in quibus hi coniuges cohabitaverint et condormierint, item de numero desertio-