712 EX S. G. CONCILII

Nam, sapiens testatoris consilium si Patroni ius ob al- ternativam optima de ratione limitat, in illius (patroni) tamen arbitrio relinquit electionem inter lineas a singulo stipite progenitas : quod clare et aperte deducitur ex verbis ipsius legati : « iussit et mandavit, semper creari debere unum de familia e t c .» . Quid sibi velit haec formula, a iuristis explicatur prouti docet Card. De Luca De Fideic. disc. 33, 55, nempe Patronus, licet non habeat liberam vo- luntatem seu facultatem ad certum genus seu certum mo- dum restrictam, adhuc tamen habet arbitrium seu faculta- tem intra generis personas praelegendi, atque ita unum vel plures gratificandi, alios vero excludendi, iuxta materiam textus cum ibi notatis in I. Unum ex familia ff. de lega- tis secundo. Quae lex in § 2 a i t : « Itaque si quum forte tres ex familia essent eius qui fideicommissum reliquit eo- dem vel dispari gradu, satis erit (id est : indifferens est) uni reliquisse; nam postquam paritum est voluntati ceteri conditione deficiunt ». Et idem De Luca in I. de lurep. disc. 45, n. 3, ai t : « Ubi lex fundationis in iure passivo non vocet gradum proximiorem, sed solum mandat prae- sentari aliquem de parentela vel de certo genere tunc ha- bens facultatem praesentandi, fundationis legem recte im- plesse dicitur praesentando unum de genere, cum sufficit non egredi genus definitum, iuxta dispositionem per textum in I. Unum de familia ff. de legatis secundo ». Ferraris in Biblioth. Can. vox familia n. 32: « Cum fundator in iurepatron. passivo vocaverit, illos de parentela in genere, censetur reliquisse patrono libertatem eligendo quemcum- que voluerit, non attento gradu proximioris vel remotio- ris ». Quod idem .auctor comprobat verbis relatis Card. De Luca.

Ast aliquis ad vertet, rerum statum hodie magnopere mutatum, quia de tribus expresse vocatis familiis una tan- tum adhuc vigere videtur. Non enim admitti potest, de- scendentes ex Iulio et Francisco Ghetti primo et secundo loco in testamento designatis ita facile nuntium misisse