MUTILANA 715

nuarìì .1658 coram Celso inter suas decis. n. 271 ». - Quod si e contra in re clara versamur, uti verba legati nos bene edocent, tunc observantia in casu, potius quam interpretari voluntatem, cum in claris interpretatio non intret, potius quamcumque actionem praescribit : ipso Emo Card. De Luca diserte testante, in I. de Canon. disc. 2, n. 7: « Inter- pretatio cadit in ambiguis ac omnino dubiis, secus autem in claris, in quibus non cadit terminus interpretationis: ideoque tali casu observantia non dicitur interpretativa, sed praescriptiva indigens requisitis necessariis ad formalem praescriptionem, iuxta receptissimam distinctionem, de qua decis. 319 p. 6 rec. ». Quapropter, omni sub aspectu, in- stantia de servanda alternativa inter diversas lineas unius familiae expresse a testatore vocatae reiicienda videtur.

Re sane vera admisso etiam quod de re dubia in prae- sentiarum agatur, neque continuam observantiam rem extra dubitationis aleam posuisse, nihilo secius non desunt iuris certa principia, quae hac in re ad legitimam quaestionis expeditionem nos manuducant. Nam ex reg. 30 Iuris in 6: « In obscuris minimum est sequendum » ; sed illud tenen- dum est quod minimum infert praeiudicium, aut legibus cer- tis aut iuribus certe quaesitis. Iamvero in themate ius certe quaesitum sibi vindicat patronus, qui ius habet praesentandi unum de familia illorum de Ghettis; quod ius ei auferre aut prohibere a libero exercitio non licet nisi certa obiicia- tur limitatio aut prohibitio a testatore statuta. Neque per simplices dubitandi rationes etsi aliquo fundamento innixas exturbari potest pacifica possessio tanto tempore continuata a patrono quoad liberum exercitium praesentandi unum de familia Ghetti, dummodo trahat originem a fratribus Ghetti a testatore vocatis et inter hos servato ordine alternativo; quandoquidem reg. 65 Iuris in 6 statuit: « In pari causa melior est conditio possidentis »; ergo multo magis in dubiis et obscuris.

Superest modo ut aliquid disseratur de secundo dubio ; an nempe facta praesentatio admittenda sit. - Si enim ne-