716 STRIGONIEN.

tudinem. Ea enim ex mandato civilis iudicis a tribus peri- tis facta est. Hi igitur retulerunt se sexuales mulieris partes anathomice intactas praesertim virginalem membranam (hy- menem) integram reperisse. Addiderunt tamen vaginam, quae digitum indicem commode capiebat, debilius aliquod virile membrum ingredi potuisse. Actor tamen in actis di- citur vir nec statura pusillus, nec alioquin debilis, sed cor- poraliter evolutus ac robustus; quare ne suspicari quidem prudenter quis posset ipsum cum Ida copulam exercere po- tuisse quin eius hymenem aliquatenus saltem dilacerasset.

Quod si de matrimonii inconsummatione constare vide- tur, alterum requisitum seu iustas causas ad dispensationem concedendam in casu adesse palam est. Nulla enim omni- no spes reconciliationis inter hos coniuges affulget; quod patet tum ex ipso civili processu in quo matrimonium hoc solutum esse declaratum fuit ratione invincibilis alienatio- nis coniugum ad invicem, tum ex attestatione ipsorum con- iugum qui coram haeretico ministro professi sunt, se ad invicem implacabile odium concepisse. Accedit alia gravis- sima ratio. Vir enim in summo animae periculo versatur. Desiderans enim quam maxime novas nuptias, quas facile inire posset si haeresi se daret vel civiliter tantum alteri nuberet, in gravissimo periculo est, vel a fide turpiter apo- statandi vel in iniquo concubinatu vitam traducendi.

ANIMADVERSIONES DEFENSORIS MATRIMONII EX OFFICIO. Prae- primis ait, tres illi medici, qui iussu civilium iudicum Idae corpus recognoverunt, matrimonii inconsummationem extra dubitationis aleam ponere non audent ; adiiciunt enim : « De- bilius aliquod membrum virile penetrare potuisse per va-

ginam, indicem digitum commode capientem ». Et matrimonii tutori ab uno ex memoratis tribus me-

dicis quaerenti : « Velit propius explicare sensum sequentis ultimae partis opinionis suae : . . . - sed tamen debilius ali- quod membrum virile penetrare potuit per vaginam, indi-

cem digitum commode capientem ; - potestne eiusmodi pe- netratio vaginae, cuius possibilitas non obstante anathomica