STRIGONIEN. 717

integritate partium sexualium mulieris inspectae hic conce- ditur, - perfecta copula dici et haberi ? » medicus nitide reponit: « Si possibilitatem penetrationis alicuius debilioris membri virilis concessimus, tunc eam perfectam copulam habere possumus ».

Huc accedit quod ea muliebris corporis exploratio cum demandata sit a iudicibus, matrimonium non ea quae par est veneratione prosequentibus, quippe qui calvinianis legi- bus subduntur, quemadmodum intelligi facile datur, facta est non praemisso balneo, nec adhibitis necessariis aliis ad evitandas fraudes ac deceptiones circumspectionibus.

Demum in pretio haberi solet confessio coniugum, te- stimonio septimae manus corroborata. At praesenti in causa non solum desiderantur confessio uxoris testesque ex eius latere, sed praeterea etsi testes ab ipso inducti fide dignum proclament Laurentium, ex iis tamen quae Sidonia, Lau- rentio affinis, testatur, liquet Laurentium facta praesentem controversiam concernentia propinquis, affinibus et vicinis, non prout gesta erant, sed prouti sibi expediebant, narras- se. In confessis siquidem est Laurentium altero a nuptiis die ad oppidum « Fallas » rediisse comitante uxore ; et uxo- rem a viro discessisse tertia ab hymenaeo hebdomada.

Hisce praenotatis, propositum fuit diluendum

An consulendum sit Ssmo. super dispensatione a ma- trimonio rato et non consummato in casu.

RESOLUTIO. Sacra C. C. re disceptata sub die 31 Iulii 1897, censuit respondere : Affirmative.

Dubium