BURGEN. 717

R E S I D E N T I A E

Die 27 Ianuarii et 7 Aprilis 1900. Sess. 24 cap. 2 De Ref.

COMPENDIUM FACTI. Sacerdos Ioseph Madrid Manso, qui canonicatum obtinebat in Ecclesia Cathedrali Palentina, hoc dimisso, in Ecclesia Cathedrali Burgen, aliam assecutus est ab a. 1896 praebendam canonicalem. At Canonicus Madrid qui non bona, ut fertur, utebatur valetudine dum Palentiae morabatur, in civitate Burgen, suum morbum ingravescere persentiit ob adversum aer, uti videtur. Medici referunt illum laborare morbo - gastro intestinale. - Nihilominus duos annos moratus est Burgis, nempe usque ad a. 1898, quo deliberavit alio se conferre non amplius reversurus et interim animum adiecit ad permutandum suum beneficium. Quod perficere valuit et hodie Palentiae alia fruitur prae- benda canonicali.

Sed adhuc superest quaestio Canonicum Madrid inter et Burgenses canonicos quoad tempus quo iste Burgense be- neficium retinuit; quum hic ob causam infirmitatis se ali- quo tempore coactum fuisse non residere asserat, hoc autem negent Canonici; qui proinde Madrid fructibus beneficiali- bus privarunt. - Hos modo repetit Madrid; en controver- siae materia.

In propositum haec referenda sunt. - Die 14 Octob. 1897 ut tempore uteretur vacationum ad 5 menses in isto capi- tulo concessarum, a civitate Burgen, discedit Madrid, gravi affectus morbo et Palentiam se contulit apud suum fratrem. - Quum adhuc Palentiae moraretur et sensim a sua infir- mitate canonicus Madrid se reciperet, praesertim consilio medicorum, qui infirmitatem asserebant Burgis potissimum contractam fuisse et ibi ingravescere ob adversum aer die 3 Deo. 1897 recursum habuit ad S. C. C. ut indultum ei tribueretur absentiae a choro et a loco residentiae propter infirmitatem. Archiepiscopus secundum edidit votum, sed