718

BAIONEN.

DISPENSATIONIS MATRIMONII

Die 11 Septembris 1897. S e s s . 24, Cap. 5. De ref. m a t r .

COMPENDIUM FACTI. In nativo oppido S. Palais, Baio- nensis dioecesis, Maria vigesimum annum agens die 8 Au- gusti 1891, servata forma Concilii Tridentini, matrimonium iniit cum Alberto annorum 3 1 .

Hae nuptiae, uti fertur, solummodo desiderio Mariae parentum contractae, cum ipsa iam alium iuvenem ada- masset, miserrimae fuere.

Coniuges, qui a prima nuptiarum nocte eodem thalamo usi sunt, pluries matrimonium consummare tentarunt, sed, uti videtur, semper incassum ; siquidem vir morbo laborans ad munera matrimonialia obeunda omnino ineptus a muliere renuntiatur.

Interea per duos annos coniuges pace coniugali perfruiti sunt ; nam mulier, ipsa fatente, rei uxoriae ignara, decepta fuit a marito, affirmante id esse omnino secundum naturam. Sed postea circa munera coniugalia edocta, valde conquesta est cum suo viro, qui ab illo tempore a quocumque novo conatu se abstinuit.

Nihilominus coniuges simul vixerunt usque ad an. 1896, quo tempore omnino impossibilis facta est vita coniugalis. Nam, uti fatetur, Albertus in spem veniens sibi reconciliandi mulierem, quae prolem valde exoptabat, eidem hanc turpem propositionem obtulit ; ut nempe Niciam peteret et ibi ma- ternitatis solatium alio obtineret concubi tu. Qua de re Maria paulo post domum paternam repetens, marito valedixit, ad eum non amplius reversura.

Post discessum uxoris vir tribunal civile adivit, a quo facile obtinere potuit sententiam favorabilem divortii. Dum mulier supplices preces ad Summum Pontificem obtulit, ex- p o s t u l a t ut suum matrimonium solveretur, utpote ob viri impotentiam inconsummatum.