726 VARSAVIEN.

iuscumque fissurae vel cicatricis praefulgent. Culmen itaque probationum adest in themate, eum praeter alia virginitatis signa obstetrices in Hedvige repererint hymenem integrum, in quo omnes anathomiae et medicinae forensis auctores prin- ceps ac indubium intemerati pudoris argumentum agnoscant.

Necesse non • esse, ait orator, aliquid ulterius afferre, sed ne quid praetermissum appareat, et magis evincatur in apertam contradictionem incidere obstetricem Szyszckowska, asserendo notas omnes integritatis post completam copulam permanere posse, citat Zacchias, Quaest, med. leg. lib. 4, tit. 2, q. 1, n. 2 et seqq., Bartolini Institut. Anathomiae, lib. 1 cap. 31, et inter recentiores S. Sutaud, Manuel de mede- cine legale, n. 20.

Quam doctrinam, ait, S. C. C. confirmavit, nam his in ca- sibus medicorum sententiis constanti praxi solet annuere, ac dispensationem a matrimonio rato concedendamesse decernit.

Gradum faciens orator ad alterum caput, nempe dispen- sandi causas, vult non ordinarias tantum, sed peculiarem ac propriam in casu verificari ; gravissimum nempe dubium impotentiae, si dubium dici potest, quod facti evidentia comprobatur.

Omittens coniugum ac testium septimae manus deposi- tiones, adducit concorde iudicium trium peritorum qui, per- acta accuratissima inspectione corporis vir i , iurati suas sententias exposuere, evincendo eiusdem viri impotentiam.

Ex quibus medicorum dispositionibus iuxta advocatum patet actoris relativam impotentiam non tantum uti proba- bilem, sed uti certam retinendam esse.

Verum, sequitur patronus, admissa saltem uti probabili illius impotentia, primum exinde potissimumque dispensa- tionis argumentum procedit. Hoc enim in casu potiusquam proprie dispensatio, dicitur prudentialis administratio iusti- tiae, declarata nimirum sub nobiliori titulo matrimonii nul- litate. Ita tradunt Ursaya, tom. 3, part. 2, disc. 21, n. 104, Card. De Luca, De matrim., disc, 9, n. 8, Cosci De separ. thor. lib. 2, cap. 2, n. 387, aliique plures.