AQUÉN. SEU LUCIONEN. 731

repetiit, nulla sibi facta in contrarium observatione. Aliis demum accusationibus minoris momenti disiectis, quas Pro- curator Generalis in suis Uteris informativis cumulat, sed nullo valido documento firmat, Defensor concludit quod Ordo Praemonstratensium, inspecta iustitia, tenetur ad indemnem reddendum dimissum P. Laurent.

Sed si non ex iustitia, saltem ex aequitate, aliqua in- demnitas P. Laurent iuxta Defensorem est tribuenda. Ex una enim parte agitur de infirmo sacerdote, omni auxilio destituto et qui nullam opem ex capsa dioecesana Lucio- nensi sibi adpromittere valet. E contra Ordo Praemonstra- tensium fortunae mediis abunde pollet: videtur ergo esse charitati christianae consonum quod ipse suppetias ferat sa- cerdoti egeno, qui pluribus annis in Ordine militavit et a quo non pauca obtinuit emolumenta.

Hisce utrinque deductis, solutioni propositum fuit sequens

Dubium

An sit standum vel recedendum a decisis in Casu.

RESOLUTIO. Die 11 Martii 1898 Sacra Congregatio Epi- scop. et Regul. re matura deliberatione pensata, rescripsit: Affirmative ad primam partem negative ad secundam.

- » - > o ^ c - * -

A L B I E N .

IURIUM.

Die 18 Martii 1898.

COMPENDIUM FACTI. - In paroecia nostrae Dominae op- pidi Mozamet dioecesis Albiensis in Gallia invenitur erectum Monasterium a Sancto Agone nuncupatum : est haec dioe- cesana Congregatio, et munus Confessarii inibi a pluribus annis exercet titularis dictae paroeciae sacerdos Brugnière : Monasterium habet cappellani, et cappellanum qui ex dele- gatione Ordinarii etiam verbum Dei Monialibus explicat.