738 EX S. G. RITUUM

in aliorum infirmorum levamen, pro quibus ut convalescerent, sponte illas Deo offerebat Id mirifice obtigisse visum est in extremo morbo quo correpta fuit Mensis erat Septembris anno 1857, et ad valetudinem confirmandam, ex medici praescripto, Maria Iuliana oppidum petiit Resina nuncupatum. Ibi hospitio excepta a familia sibi consuetudine iuncta Marchionis Vigo, quum iam integra et sana in eo esset ut Neapolim reverteretur, altera ipsius Marchionis filia in grave)n incidit morbum. Tunc Famula Dei consilium sui ipsius confessarii Vincentii Longo libenter ca- piens, se pro puella moribunda hostiam praebuit ad exemplum Apostoli qui exclamabat: Quis infirmatur et ego non infirmor? Hanc vero oblationem in odorem suavitatis ad caelos ascen- disse Divinae bonitati acceptam fuisse satis liquet tum ex si- mili morbo quo Maria Iuliana improviso affecta fuit, tum ex morte inde sequuta quam ipsamet, loco puellae in pristinam salutem restitutae, die 25 Octobris eodem anno piissime obivit, postquam et sanctissimo viatico refecta et sacro infirmorum oleo peruncta fuerat. Corpus Servae Dei religiosis vestibus indutum ibidem mansit una die ut populi votis satisfieret. Altera vero die Neapolim delatum, ad monasterii S. Monicae templum per triduum iacuit expositum, multitudine civium confluente ; donec, exequiis solemniter peractis, prope aram Deiparae Virgini Per- dolenti sacram, sepultum fuit. Interim fama sanctimoniae quam Soror Maria Iuliana dum vitam agebat, adepta fuerat, post obi- tum ita in dies increbuit ut Ecclesiastica Curia Neapolitana Pro- cessum Ordinarium super eadem fama instituit atque perfecit. Hoc autem Sacrorum Rituum Congregationi exhibito atque a- perto, ad instantiam Emi Dñi Raphaelis Virili, Antistitis Urbani et Causae Postulatoris et scripta Servae Dei probata fuere, et Apostolica accessit dispensatio proponendi dubium de ipsius Causae introductione in Congregatione Ordinaria ante lapsum decennii et absque interventu et voto consultorum. Quare, eo- dem R m o Postulatore rogante, atque attentis litteris postulato- riis nonnullorum Eñiorum S. R. E. Cardinalium, plurium Sa- crorum Antistitum, et Capitulorum, nec non aliorum virorum ecclesiastica dignitate praestantium, etiam ex Ordinibus et Con- gregationibus religiosis, infrascriptus Cardinalis Sacrorum Ri- tuum Congregationi Praefectus et ipsius Causae Relator in Or- dinariis eiusdem Sacrae Congregationis comitiis subsignata die ad Vaticanum habitis, sequens dubium discutiendum proposuit: