740 EX S. G. RITUUM

amantissima, ceteris puellis praeclarum praebebat modestiae et pietatis exemplum, praesertim in Ecclesia ad sacram synaxim frequenter accedens, et ante imaginem Deiparae Virginis, suae dulcissimae matris, suppliciter orans. Hisce bonis operibus prae- parata, ipsa beatissima Virgine suffragante, ad viam perfectiorem divinitus vocata est. Quare die 16 Iulii anno 1828, unanimi pa- rentum ac superiorum consensu, Benedictinum S. Petri Mona- sterium in civitate Notabili ingressa est, et Adeodatae nomen a religione assumpsit. Expleto multa cum laude tyrocinio, die 8 Martii anno 1830, inexplicabili laetitia gestiens, solemnia vota nuncupavit. Deinceps suae religiosae perfectionis studiosa, ad eam acquirendam animi corporisque vires intentas habuit. Rei cellariae, ostii custodiae, sacrario et tyronibus educandis prae- posita, hisce inferioribus muneribus ita recte iuncta est , ut ad superiora meruerit ascendere, vel potius ex obedientia promo- veri. Hac ratione, die 26 Iunii anno 1851 Abbatissa per bien- nium renunciata, monasterii regimen suaviter ac fortiter tenuit, servata disciplina, gratulantibus monialibus et approbante Me- litensi Episcopo. Exacto biennio et dimisso officio, Famula Dei inclinata magis ad obedientiam quam ad imperium, etsi praeses ut rumque conciliaverat, monasterii regulas diligenter ac sancte observavit. Verum diuturno morbo et in dies ingravescente cruciata, cuius tamen acerbitatem pro Christi amore patienter ferebat, die 25 Februarii anno 1855, aetatis suae quadragesimo nono, postquam Ecclesiae sacramentis roborata fuerat, in osculo Domini placide obdormivit. Ad coenobii aedem et Ecclesiam ubi corpus Servae Dei pro exequiis expositum fuit, statim e quolibet ordine cives confluxerunt, Adeodatae virtutem et sanctitatem amplissimis laudibus celebrantes. Eiusmodi autem fama pro- gressu temporis magis invalescens, v iam aperuit Inquisitioni ordinariae super ipsa confectae in Ecclesiastica Curia Melitensi, cuius acta Romam delata Sacrorum Rituum Congregationi ex- hibita fuerunt. Interim scriptis eidem Servae Dei quocumque titulo attributis, rite perquisitis, revisis et probatis, concessa etiam fuit, de Apostolica venia, disceptatio super introductione causae in Congregatione Ordinaria ante lapsum decennii et absque in- terventu et voto consultorum. Quare instante Rmo Dno Alphonso Can. Carinci huiusce Causae Postulatore, nomine etiam hodierni Riîii Archiepiscopi Episcopi Melitensis, atque attentis litteris po- stulatoriis nonnullorum Emorum S. R. E. Cardinalium, plurium