742 EX S. C. RITUUM

rima. Porro inter eos qui, superiori exeunte saeculo nostroque ineunte, ingens virtutis suae desiderium reliquere, adnumerari iure debet Franciscus a Ghisone, vir venerabilis, e disciplina Francisci Patris. Oppidum est Ghiso in insula Cyrnaea. Ibi an- no 1777 ortus est Franciscus. Parentes illi Martinus Mucchiellius qui brevi desideratus est, et Anna Gregoria. Haec omnes intendit curas ut mature flliolum ad pietatem effingeret, idque eo faci- lius quo ex eius vita et moribus uberiora peti possent exempla virtutum.

Ea aetate quae maxime solet ineptus nugisque esse dedita nihil ille pueriliter fecisse dicitur: quin etiam super aetatem sa- piens quaslibet levitates defugit. Una illi cura, discendi ardor et pietas. Silentii et solitudinis, quibus mire capiebatur, servan- tissimus; labore, solertia precibusque ad magnam Dei Parentem fusis, aciem retusi ingenii exacuit, memoriam exercitatione fir- mavit. Quod si exlex condiscipulorum petulantia mansuetum puerum asperius, ut saepe fit, compellasset vel licentius illusis- set, illud ipse assequebatur, ut nec illorum procacitati irasci, nec contemptu sui permoveri videretur. Tempus omne quod illi a studio vacabat in sodalium Franciscanum domo vel aede sacra transigebat, seseque Dei laudes concinentibus immiscebat, au t Sacrum facientibus ministrabat.

Cum 11 vel 12 aetatis annum ageret matre orbatus es t ; quare sororis p r imum, avunculi deinde Romae commorantis curis creditus est ; qua in urbe fabri lignarii arti addiscendae operam aliquo tempore navavit. Accidit die quadam ut con- scientiae eludendae causa sodalem franciscalem adierit eximiae virtutis maximaeque prudentiae virum. Hic agnita pii iuvenis sanctimonia eiusque in Seraphici Patris propensissima volun- tate, quaesivit velletne inter eius alumnos conscribi? Cui alter, nil se avere magis cum respondisset, missus statim est in Ci- vitellae recessum, ut religiosae vitae ibi tyrocinium poneret. Secessus hic ab ipso Francisco Patre conditus fertur, abestque septem circiter passuum millibus Sublaqueo, inter praerupta Apennini iuga.

Quae pietatis specimina vel ab initio Franciscus ediderit, ex eo coniicias quod ceteris tyronibus in exemplum eluxit. Expleto probationis anno, vota rite concepit. Sacris deinde initiatus, se- que ad maiores ordines parare iussus, votis precibusque a Deo flagitavit ne se indignum ad sacrificandum accedere pateretur.