EX S. C. RITUUM 743

Voti compos fit; epilepsiae morbo illico corripitur, eoque in dies ingravescente altari prohibetur.

Maiora hinc cepit ad virtutem incitamenta, binaque prae- sertim in illo emicuere: humilitas et patientia. Hanc ut experi- r e t u r nonnulli invido eum dente carpere, contumelioseque ha- bere consueverunt. At patientissimus Dei Servus eos non modo non gravate tulit, sed benevolentia complexus est.

Ad haec addebat corporis cruciatus voluntarios, quibus quemque robustissimum frangi necesse erat. In sumendo cibo non tam parcus, quam iniquus erat erga se. Delicatiora, si quando in mensam irreperent, edulia nunquam attingebat. Ferreas ca- tenas, cilicia, aliasque huius generis poenas sibi imponebat tam assidue, ut conscientiae moderatores eius se excruciandi studio habenas duxerint adducendas.

Quanta esset Francisci sanctitas Deus ipse non semel testatus est. Multa enim de ipso feruntur naturae viribus maiora, sed miranda in primis quae in eius morte contigerunt.

Cum vero post eius mortem haec sanctimoniae fama magis in dies increverit, Beatificationis causa penes Sacram Rituum Congregationem promoveri coepit ut caelitum honores illi de- cernerentur. Probationibus igitur exceptis, et sedulo expensis, ceterisque ad iuris normam exactis, quadruplex de heroicis vir- tutibus V. Francisci a Ghisone instituta est actio. Primo itaque excussum est dubium in antepraeparatorio coetu apud cl. me. Cardinalem Aloisium Bilio causae Relatorem pridie calendas sextiles anno 1883, resumpta denuo causa duplici praeparatorio conventu in Apostolicis Vaticanis Aedibus pridie nonas maias anno 1890 referente cl. me. Cardinali Raphaele Monaco La Val- letta; et decimo calendas Apriles anno 1897 Relatore Rmo Car- dinali Vincentio Vannutelli ; demum coram Sanctissimo Domino Nostro Leone Papa XIII in iisdem Vaticanis Aedibus duodecimo calendas martias vertentis anni; quum idem Rmus Cardinalis Vincentius Vannutelli dubium ad discutiendum proposuit: An constet de virtutibus Theologalibus Fide, Spe et Caritate erga Deum ac Proximum, nec non de Cardinalibus Prudentia, Iu- stitia, Temperantia et Fortitudine earumque adnexis Ven. Servi Dei Francisci a Ghisone, in gradu heroico, in casu et ad effe- ctum de quo agitur? Quamvis unanimis fuerit Rmorum Cardi- nalium et Consultorum sententiarum affirmantium quasi con- centus indeque liberet de causae exitu felix capere auspicium,