744 EX S. G. CONCILII

non solum « quelquefois » sed omnibus omnino noctibus, imo etiam diu.

Frustra praeterea, instat Sacramenti orator, ex adverso contenditur quod « Iosepha nulli solebat nisi ex' libìdine parere... sed patrem violentiorem est sortita ad cuius nu- tum regebatur. Quaeque ceteris morigerari recusabat, illius metu, qui eam subegerat, frangebatur ». Nam ipse anim- advertit genus minarum cum testium dictis pugnare. Iose- phinae enim pater seipsum occidere minabatur, non filiam. Qui autem hac ratione alium ad aliquid inducere vult, animi fortitudinem prodit vel imbecillitatem ? Vim in alium et auctoritatem ostendit vel propriam impotentiam ? - Deinde non credit, Iosephinam serio accepisse assertam suicidii com- minationem ; si quid nihilosecius ex eo timendum ipsa ha- buisset, non aliter profecto id contingere potuisset, nisi sup- posito filiali erga patrem amore. Ast hic filialis amor ne concipi quidem potest cum facto, quod in incestuosa con- suetudine patris cum filia consistit. Si enim velis, Iosephi- nam libere appetisse scelestissimam consuetudinem, nonne admittis, eam in tam profundam animi abiectionem prom- isse, ut incapax fieret amplius percipiendi delicatum et no- bilem sensum amoris filialis? Si vero ponas coacte subiisse nefandum scelus, nonne dicis, filialem Iosephinae amorem in odium erga patrem verti debuisse? Numquid Iosephina heroina ?

Haec de metu. Ad alterum obiectionum caput quod per- tinet, contendit Sacramenti defensor nullo modo simulatum fuisse consensum in matrimonium. Etenim, in primis, fru- stra in actis documenta quaereres, quibus coniectari saltem posset quaenam revera intercesserit amoris necessitudo Io- sephinam inter et adv. Ostermayer, quem ipsa dicit depe- rire.

Deinde ad alium virum necessitudinem suam adiungere ipsa appetebat, ad Michaelem nempe Couin, qui iurat: « Mlle Josephine était vicieuse. Elle m'a fait une fois des propositions immorales ». Quando autem ipsum Mauritium,