EX S. G. RITUUM 745

seseque Deo irrevocabili castitatis voto obstringere. Neglectis igi- tur nobilis domus divitiis, spretisque mundanis nuptiis, Brixiae, votis inter Gapulatas S. Mariae ad Nives rite nuncupat is , nihil antiquius habuit q u a m in obscuris delitescere, vigilantiam so- brietatemque sanctorum adaequare, corporis audaciam flagris ieiuniisque contundere. Virtutibus omnibus heroice perfuncta, poenitentiae praesertim exempla reliquit admiranda magis quam imitabilia. Triennio in dies ingravescentibus conflictata infirmi- tatibus quas hilari semper constantique animo pertulit, anno 1737 sexto calendas sextiles laboribus magis quam aetate confecta, Brixiae qua in urbe ante annos quinquaginta lucem hauserat, ad caelestem sponsum evolavit. Ex Venerabilis Mariae Magda- lenae sepulcro praesentem opem multi sensere. Haec Providen- tiae divinae ad illius tumulum illustrandum incumbentis prae- clara documenta novos Franciscalibus Capulatis nec non Clero populoque Brixiensi subiecere stimulos ut Mariae Magdalenae causa apud Sacrorum Rituum Congregationem ageretur. Omni- bus igitur rite absolutis, fel. rec. Pius PP. VI tertio nonas maias anno 1778 Mariae Magdalenae virtutes heroicum attigisse fasti- gium solemni sanxit decreto. Inita deinde actio de miraculis quae, ea deprecante, divinitus patrata tradebantur controversiis rite expensis, ceterisque de iure confectis, idem S u m m u s Pon- tifex quinto nonas martias anno 1793 solemniter edixit : « Con- stare de instantánea sanatione Isabellae Groppelli a phtisi ad ultimum marasmi statum producta ».

Id maxime in votis erat, saeculo superiore exeunte, ut V. Fa- mulae Dei ob heroicas, quibus emicuit virtutes Beatorum caeli- tum honores decernerentur. At vero, altero quod iura postulant miraculo deficiente, nobilis huius causae cursum intercipi ne- cesse fuit.

Nostra autem aetate strenui causae curatores laudabili stu- dio aliud prodigium ad cognoscendum proposuerunt, de caeci- tate nimirum ac tenebris sinistro ex oculo pueruli Iosephi Tosi mire subitoque depulsis. - Res autem quatuor disceptationibus est rite peracta : prima scilicet in antepraeparatorio conventu in Aedibus Rmi Cardinalis Caietani Aloisi-Masella huius causae Relatoris postridie idus iulii anno MDCCCXCV; altera et tertia in comitiis praeparatoriis ad Apostolicum Palatium Vaticanum in- dictis septimo calendas martias superioris anni et octavo ca- lendas februarias vertentis anni; quarta demum in coetu gene-