BASILEEN. 747

« Ac primum quidem quod attinet ad mensuram flexio- nis, revera in supplici libello lapsus irrepsit amanuensis scribentis quinque decimetros loco quinque centimetrorum.

« Deinde E. V. inveniet votum medici docti et catho- lici, qui' oratorem novit ab ipsa eius adolescentia, huic epi- stolae annexum : ex quo habetur agi in casu de contractione et debilitate musculaturae in crure et pede sinistro, quae e venerunt consequenter ad febrem typhoidem, qua orator laborabat septimo aetatis suae anno, neque esse timendum ne functiones pedis futuro tempore magis impediantur.

« In eundo vix aliqua apparet claudicatio ; orator insu- per iter plurium leucarum facile perficit. Quapropter nihil obstat quin verbum Dei praedicando, pueros instruendo, sa- cramenta administrando infirmis opitulando ministerio ani- marum inserviat.

« Neque timendum est, ne ex oratoris ordinatione reli- gio catholica ab haereticis vilipendatur vel fideles inde scan- dalum desumant. Nam eiusmodi est populi nostri indoles, ut si in sacerdote appareat integritas vitae zelusque ani- marum, facile illi indulgeat, si ob defectum corporis forsi- tan aliquam functionem aliquantulum minus decore peragat. Nihilominus in deligendo pro oratore beneficio semper respe- ctus habebitur ut eo loci dirigatur, ubi eius ministerium facilius possit ab omni contemptu esse immune.

« Denique cum orator sit bonae indolis et in scientia sa- cra bene versatus et spiritu sacerdotali praeditus, etiam ex parte dioecesis valde est optandum, ut per dispensationis beneficium ab hac S. Congregatione oratori succurratur ».

Votum periti medici sequentis est tenoris : « Crus sini- stram habens 27 centímetros in circuitu comparate ad crus dexteram, quod 42 centimetrorum habet circuitum, exhibet defectum 15 centimetrorum; insuper Tendo Achillis sini- stra reperitur notabiliter contracta. Inde consequitur inces- sus paululum tracticius et tarditas quaedam in certis mo- tibus ex. gr. in surgendo a genuflexione.

« Quorum defectuum causa minime est quaerenda in morbo