EX S. C. INDULGENTIARUM 749

quam Scapularia imponere incipiantur, eaque Sacerdote in ma- nibus tenente.

Ad V. Si viri a mulieribus facile segregari possint et duplici actu functio peragi posset, quod certe esset convenientius, tunc, prout de more, uti posset formula longiori, mutatis mutandis; si vero unico actu promiscue viri cum mulieribus sint aggregandi, tum ad praecavendam cacophoniam melius fieret si formula bre- vior adhiberetur, dicendo tantum « accipite hunc habitum etc. ».

Datum Romae ex Secretaria eiusdem S. G. die 18 Iunii 1898.

FR. HIERONYMUS M. CARD. GOTTI, Praefectus.

DUBIA quoad Constitutionem, quae respicit prohibitionem librorum.

Cum huic s. Indicis Congregationi dirimenda proposita fue- rint sequentia dubia :

I. Utrum sub nomine eorum, qui studiis theologicis vel bi- blicis dant operam veniant etiam alumni, qui theologiae et lin- guae hebraicae ac graecae in scholis Seminariorum vacant? Et quatenus affirmative;

II. Utrum possit Episcopus permittere ut in scholis alumni, sub ductu professoris, textus hebraicos et graecos ab acatho- licis editos, legant ac vertant, dummodo non impugnentur in prolegomenis aut adnotationibus talium librorum catholicae Fidei dogmata?

Eadem s. Congregatio sub die 18 Iunii 1898, iisdem dubiis mature perpensis, respondendum censuit:

Ad I. Affirmative. Ad II. Negative; nisi specialem a S. Sede facultatem obti-

nuerit. Datum Romae ex Secretaria eiusdem s. Congregationis die

21 Iunii 1898.

L. r£ S. f ANTONIUS ARCHIEP. ANTINOEN., Secretarius.

E X S . C O N G R E G A T I O N E I N D I C I S