EX S. C. RITUUM 753

neglectis praedivitis familiae commodis spretisque mundanis nuptiis ac fortiter devictis a patre et consanguineis obiectis dif- ficultatibus, die octava Septembris mensis anno MDCCVI in asce- terium Brixiense Monialium Capulatarum in optatum veluti por- tum laeta confugit, et in ipso iuventutis flore insignis fama et nobilitate virgo miserum induta S- Francisci sagum et aspera fune lumbos praecincta, Mariae Magdalenae nomine assumpto, solemnia religionis vota nuncupavit. Quibus quidem nuncupatis videri coepit ad religiosae vitae perfectionem concitato cursu contendere. Mira quippe in ipsa elucebat humilitas, singularis et in obtemperando alacritas et in quibusvis molestiis perfe- rendis patientia, accuratissima legum vel minimarum obser- vantia, nunquam intermissum precationis studium, cui dies no- ctesque quum instaret alienato saepe a sensibus animo divinae gratiae donis uberrime perfundebatur. In recolendis autem Chri- sti Domini cruciatibus tanto afficiebatur doloris sensu tantaque inardescebat amoris flamma, ut prope exanimis plerumque lan- guesceret. In afflictando autem corpore assidua illi austeritas, nam puritatis filium quod a primis annis Deo dicaverat, aspera praecinctum poenitentiae sepe servavit et innocens corpus ie- iuniis, flagellis, ciliciis aliisque exquisitis cruciatibus compescuit. Virtutibus enim omnibus heroice perfuncta poenitentiae exem- pla reliquit admiranda magis quam imitabilia. Ferro etiam atque igne in carnem saeviit: saepe ferréis acubus membra transverberavit cruentaque vulnera ardenti sulphure perstrin- xit. Nullis in monasterio pepercit laboribus nec abiectissima quaeque munia detrectavit : vestes sordidiores, cellam angustio- rem, lectulum equuleo magis quam strato similem in deliciis habuit. Sed cum ob virtutum praestantiam omnium admiratio- nem sibi conciliasset, eam licet in vitam ad potiora officia so- dales vocarunt. Et primum puellis quae in tyrocinio versaren- tur ad religiosam vitam exercendis informandisque praeposita fuit commissasque suae fidei et magisterio virgines ad ingre- diendum atque excurrendum naviter perfectionis iter exemplo suo confirmavit. Dein munus obiit Rotae Custodis atque hoc in officio vel extra monasterii claustra plures Deo animas saluta- ribus monitis lucrifecit, brevique universam urbem sanctimoniae suae fama complevit, ita ut innumeri fideles ad asceterii crates accederent ut solam Venerabilis Dei famulae vocem audirent. Tandem plenis suffragiis in Abbatissam electa amplum et grave

Acta, Tom. XXXII. fase. CCCLXXXIV. 48