754 EX S. C. RITUUM

munus tam sancte gessit, ut ipsae moniales testatae sint regi- men illius divinum potius fuisse quam humanum. Triennio in- gravescentibus in dies conflictata infirmitatibus, quas hilari sem- per constantique animo pertulit, dissolvi cupiens ut ad coele- stes Agni nuptias quas tantopere deperibat advolaret, anno MDCCXXXVII sexto Kalendas Augustas, laboribus magis ac poe- nitentiis quam aetate confecta, Brixiae, qua in urbe ante annos quinquaginta lucem hauserat, exitu placidissimo animam effla- vit. Quae de Venerabilis Dei famulae Mariae Magdalenae Marti- nengo a Barco sanctimonia invaluerat opinio, percrebuit magis postquam ipsa e vivis excessit, accedente praesertim prodigio- rum celebritate quae ipsa Dei famula deprecante contigisse ferebantur. Haec providentiae divinae illius tumulum illustran- ts praeclara documenta, multi enim ex Mariae Magdalenae se- pulchro praesentem opem sensere, novos Franciscalibus Capu- latis nec non Clero populoque Brixiensi subiicere stimulos ut Mariae Magdalenae Martinengo causa apud Sacrorum Rituum Congregationem ageretur. Probationibus iuridice sumptis rite- que perpensis Pius PP. VI re. me. Praedecessor Noster tertio Nonas Maias anno MDCCLXXVIII Mariae Magdalenae virtutes he- roicum attigisse fastigium solemni sanxit decreto. Inita est dein actio de miraculis quae ea deprecante divinitus patrata trade- bantur, omnibusque de iure absolutis idem Praedecessor No- ster Pius PP. VI per decretum quinto Nonas Martias anno MDCCXCIII datum de uno miraculo constare solemniter edixit; Nosque per decretum quinto Nonas Iulias anno MDCCCXCVIII edi- tum de altero miraculo intercessione Venerabilis Famulae Ma- riae Magdalenae a Deo patrato constare similiter suprema au- ctoritate Nostra declaravimus. Quum igitur de virtutibus ac de duplici miraculo iam esset prolatum iudicium, illud supererai discutiendum num eadem Venerabilis Dei Famula inter Beatos coelites tuto foret recensenda. Quod praestitit dilectus filius No- ster Caietanus S. R. E. Presbyter Cardinalis Aloisi Masella cau- sae relator in generali Conventu coram Nobis in vaticanis ae- dibus tertio ¿alendas Décembres anni MDCCCXCVIII habito, omnes- que tum Cardinales sacris tuendis Ritibus praepositi, tum qui aderant patres consultores unanimi suffragio affirmative respon- derunt. Nos vero iterandas esse Deo preces censuimus, ut ad sententiam in tam gravi negotio ferendam coeleste auxilium Nobis compararemus, Dominica vero in Septuagésima supe-