756 EX S. C. RITUUM

MONITUM super Cruce Altaris, exaratum, auctorante S. R. Congregatione, a mo- deratore Liturgicarum ephemeridum.

S. R. C. auctoritatem nobis tribuit memoriam parochorum aliorumque Ecclesiarum rectorum excitandi, ad cogitationem Crucis altaris. Aliquod enim ea super re ineptum facinus irre- pere coepit in Dei templis, neque Urbis exceptis, cum sacrifi- cium Crucis iteratur, ut videlicet vix paullulum Crucis (eius- modi nobis exprimendi rationem lectores condonent) super altari habeant tempore Missae, quod legi omnino opponitur^ et tolerari non potest.

Sane: Rubrica Missalis exigit (Tit. XX), ut super altare collocetur Crux in medio: profecto ut a sacrificante circum- stantique populo videatur.

Quam Caeremoniale Episcoporum declarans, iubet, ut Crux ipsa tota candelabris superemineat cum imagine sanctissimi Crucifixi (Lib. I, Cap. XII, num. 11).

Maiori quoque perspicuitate sacrorum Rituum Tribunal rem exponens edicit: (16 Iun. 1663, n. 1270 ad 1). Parva Crux,, esto cum imagine Crucifixi, non est sufficiens, sed poni debet alia Crux in medio candelabrorum. Ñeque id satis habuit, sed graviori quoque ratione alias respondit, statuens: Reproban- dum abusum collocandi parvam crucem vix visibilem, vel su- pra tabernaculum vel supra aliquam minorem tabulam titani in medio altaris, loco Crucis collocandae inter candelabra, ut Rubrica praescribit; et ubi invaluit, Ordinarius loci provideat iuris et facti remediis.

Quod si ob aliquam causam accidentaliter removenda sit Crux sita inter candelabra, alia tempore sacrificii apte appo- natur inferius, sed visibilis tam Celebranti quam populo, 17 Se- ptembris 1822, n. 2621 ad 7. Atque animadvertas oportet, Decretum supra relatum a Pio Pp. VII esse approbatum, qui illud expediri et publici iuris fieri mandavit, locorum Ordina- riis stricte praecipiens, ut omnimodam illius observantiam ur- geant.

S. R. Congregationi inhaerens Summus quoque Pontifex Benedictus {XIV, in Constitutione Accepimus d. 16 Iul. 1746, quam ius constituere latet neminem, ita universis Ecclesiae Episcopis affatur: «Vobis praecipimus, ut nullo pacto patia- mini (neque in Ecclesiis Regularium) rem divinam fieri..... nisi