760

DECRETUM quoad facultatem excipiendi confessiones fidelium navigantium.

In Congregatione Generali S. Romanae et Universalis In- quisitionis habita fer. IV, die 4 Aprilis 1900, quum disceptatum fuisset super facultate Sacerdotum, iter transmarinum facientium, excipiendi Fidelium eiusdem itineris comitum sacramentales Confessiones, Emi ac Rmi DD. Cardinales in universa Christiana Republica Inquisitores Generales, ad omnem in posterum hac super re dubitandi rationem atque anxietatibus occasionem re- movendam, decreverunt ac declararunt: Sacerdotes quoscum- que transmarinum iter arripientes, dummodo a proprio Or- dinario Confessiones excipiendi facultatem habeant, posse in navi, toto itinere durante, Fidelium secum navigantium Confes- siones excipere, quamvis forte inter ipsum iter transeundum, vel etiam aliquandiu consistendum sit diversis in locis diver- sorum Ordinariorum iurisdictioni subiectis.

Hanc autem Eñiorum Patrum resolutionem SSmus D. N. Leo div. prov. PP. XIII per facultates Emo D. Cardinali S. Of- ficii Secretario impertitas, benigne approbare et confirmare di- gnatus est.

I. Can. MANCINI S. R. et U. I. Notarius.

EX S. CONGR. S. R. U. INQUISITIONIS