Congregatio de Causis Sanctorum 855

II

FIRMANA

DECRETUM Canonizationis Servae Dei Paulae Renatae Carboni, virginis saecularis (1908- 1927).

S U P E R D U B I O

An constet de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iustitia, Temperantia et Fortitudine eisque adnexis in gradu heroico, in casu et ad effectum de quo agitur.

« Christi asseclae a Deo non secundum opera sua, sed secundum propo­ situm et gratiam Eius vocati atque in Iesu Domino iustificati, in fidei bap­ tismate vere filii Dei et consortes divinae naturae, ideoque reapse sancti effecti sunt. Eos proinde oportet sanctificationem quam acceperunt, Deo dante, vivendo tenere atque perficere » ( C O N C . O E C U M . V A T . II, Const. dogm. de Ecclesia Lumen gentium, 40).

Inde ab Ecclesiae primordiis Christi asseclae fuerunt, qui vitae christia­ nae donum non solum pie acceperunt ac servaverunt, verum etiam diligen­ ter atque sapienter auxerunt, et ita magnam spiritalem pulchritudinem et eminentem christianam perfectionem sunt adepti. In hac verorum filiorum Dei et constantium Evangelii testium innumerabili multitudine, iuvenis laica Paula Renata Carboni est annumeranda, quae fertile quoddam fuit solum, in quo gratiae semen radices in profundum egit et brevi tempore fructus copiosos edidit sanctitatis.

Haec Serva Dei orta est die 21 mensis Februarii anno 1908 in oppido Móntefalcone Appennino, in finibus sito Italiae Asculanae provinciae, a le­ gitimis coniugibus Raphaele Carboni, eximio medico, et Rosa Majeski, cer­ tis ambobus atheis. Etsi filiorum studiosi erant, nulla tamen voluerunt eos religiosa educatione imbuere, immo in eorum animos odium contra Eccle­ siam infundere nisi sunt. Sed Deus, « qui omnes homines vult salvos fieri et ad agnitionem veritatis venire » (1 Tim 2, 4), per vias humanitus inopina-