N.6

Divinum mysterium semper declaratur, et mens infidelium tumens excaecatur, firma spes credentium fide roboratur.

Fides est summopere credere in deum, panem sanctum edere, et tractare eum. Iubens dicit: sumite: hoc est corpus meum.

Panis prius cernitur; sed dum consecratur, caro christi sic mutatur: quomodo convertitur, deus operatur.

De vino similiter, si sit benedictum, et tunc est veraciter sanguis christi dictum: credamus communiter verum et non fictum.

Nobis celebrantibus istud sacramentum, et cunctis fidelibus fiat nutrimentum, Iudaeis negantibus sit in detrimentum.