Waldrammus, Monachus Sangallensis, saec. 9. ex.
184. (1. ) In Dedicatione Ecclesiae.
185. (2. ) Tersus ad regem suscipiendum.
1. Sollemnitatem huius,
2 a. Devoti
filii, ecclesiae,
2 b. Nimirum
vestrae matris, colite,
3 a. Quae vosmet ex alvo spiritali genuit,
3 b. Quae partus terrenos caeli heredes fecit.
4 a. Igitur celebris haec cunctis festivitas maneat,
4 b. Istius qui matris se natos esse pro certo sciant.
5 a. Oremus omnes,
5 b. Omnes oremus,
6 a. Ut matri coniunctos catholicae omnipotens filios faciat in Hierusalem celsa iucundos
6 b. Ac pacis aeternae consocians visionis
coetibus angelicis coheredes esse tribuat.
7 a. Amen et Amen,
7 b. Fiat et fiat.
8 a. 0 sancti, haec domus quorum artus continet,
8 b. Salvator hoc nobis precibus vestris donet,
9 a. Quod nullis meritis cognovimus nos mereri propriis,
9 b. Ut puta qui terra sumus atque tabescens cinis.