Tertia Quinquagena.

1. Ave, cuius

solamen sitio,
Quia sicut

fumus deficio,
Et cor meum

ut foenum aruit,
Quia rore

salutis caruit.
2. Ave, sancta,

quae plena spiritu
Paris illum,

qui ab interitu
Nos redemit

et desiderium
Nostrum replet

in spe caelestium.

3. Ave, fontem

mittens in vallibus,
Qui de suis
superioribus

Rigans montes

de fructu operam
Satiavit

deserta pauperum.
4. Ave, casta,

potens, egregia,
In qua Deus

fecit prodigia,
Quando verbum

mundo exhibuit,
Ad Abraham

quod quondam habuit.
5. Ave, mater,

per cuius filium
Patres nostri

iugum Aegyptium
Evaserunt,

cum terribilia
In Aegypto

fecit magnalia.

6. Ave, quae nos

de mortis tenebris
Eduxisti

et carnis latebris,
Suscepisti

de sancto spiritu
Verbum sanans

nos de interitu.

7. Ave, sanctis

praecellens omnibus,
Tibi psallam

in nationibus,
Cuius usque

ad nubem veritas,
Cuius mundum

purgavit puritas.

8. Ave, mater

eius, quem aemulus
Impugnavit

gratis discipulus,
Qui pro eo,

ut hunc diligeret,
Satagebat,

ut eum traderet.

9. Ave, virga

virtutis Domini,
Primam reddens

virtutem bomini,
Quando natus

ante luciferum
In te fecit

novum mysterium.

10. Ave, data

nobis hereditas,
Gloriosa

cuius fecunditas
Escam dedit

Deum timentibus,
Vitae panem

esurientibus.

11. Ave, domus,

in qua divitiae
Latuerunt

caelestis gratiae,

Unde lumen
lucernae celebris

Rectis corde
luxit in tenebris.

12. Ave, mater,

laetaris filio,
Qui de suo

descendens solio
Resuscitat

de terra pauperes
Et hos facit

in caelo proceres.

13. Ave, vita

vel salus hominum,
In qua sperant,

qui timent Dominum,
Et nos, mater,

te benedicimus,
Per quam vere

salvati vivimus.

14. Ave, tollens

de morte animas,
Oculorum

detergens lacrimas,
Per te mortis

actus sic caveam,
Ut in terra

vivorum placeam.

15. Ave, mundi

tollens piacula,
Mea rumpe,

Maria, vincula,
Et Domino

cordis laetitiam
Immolabo

et laudis hostiam.

16. Ave, virgo,

regina saeculi,
Te collaudant

gentes et populi,
Quos illius

salvavit caritas,
Cuius manet

in aevum veritas.

17. Ave, Sion,

urbs fortitudinis,
Cuius portas

creator hominis,
Per quas nulli

transire licuit,
Introire

protinus voluit.

18. Ave, Dei

edocta legibus,
Legem pone

meis operibus,
Ut in verbo

tuo spem habeam,
Ne ut ovis

errando peream.

19. Ave, summis

excelsa sedibus,
Ad quam tendo

virtutum gradibus,
Sed, ut via

mihi sit Ubera,
Ab iniquis

linguis me libera.

20. Ave, caelum,

ave, mons montium,
Unde venit

mihi auxilium,
Ne dormites,

quaeso, nec dormias,
Sed me semper

vigil custodias.

21. Ave, virgo

sancta ut civitas,
Ubi mansit

et sedit deitas,
Cuius pacem

fecit in omnibus,
Quam virtutum

munivit fructibus.

22. Ave, fracti

paxillus saeculi,
Ecce, sicut
servorum oculi

Suum semper

haerent in dominum,
Sic nos in te,

spes sola hominum.

23. Ave, per quam

de mortis laqueo
Sicut passer

ereptus gaudeo,
Nam contritus

est per te laqueus,
Quem caelestis

contrivit malleus.

24. Ave, Sion,

urbs nostri foederis,
In aeternum

non commoveberis,
Nam in illo

secure habitas,
Cuius nescit

motum stabilitas.

25. Ave, cuius

in puerperio
Repletum est

os nostrum gaudio,
Semen enim,

quod flentes misimus,
Iam ubertim

gaudentes metimus.

26. Ave, domus

et aedificium,
Cuius opus

aedificantium
Et laborem

hostis non mutilat,
Deus enim

ibidem vigilat.

27. Ave, caeli

lumen perpetuum,
Ut manducem

laborem manuum,
Fac, ut bonis

fruar caelestibus
Vitae meae

diebus omnibus.

28. Ave, mater,

et me in actibus
Planta bonis,

de quorum fructibus
Manum eius,

qui metit, impleam,
Quando mundi

purgabit aream.

29. Ave, sancti

vas mundum spiritus,
De profundis

exaudi gemitus,
Assis mihi

propitiatio
Apud Deum

atque redemptio.

30. Ave, simplex

corde et oculis,
Quae in partus

tui miraculis
Nil sensisti

nisi humiliter,
Quae provecta

eras sublimiter.

31. Ave, cuius

dedit virginitas
Fructum, de quo

iuravit veritas,
Ut in sede

David hunc poneret,
In virtute

qui gentes regeret.

32. Ave, fundens

unguenti gaudium,
Quod in barbam

et oram vestium
Deitatis

fluxit de capite,
Ut nos suo

sanaret fomite.

33. Ave, sanctum,

ad quod extollimus
Manus nostras,
quod benedicimus,

Singulari

nam tibi gratia
Benedixit,

qui fecit omnia.

34. Ave, quae stas

in domo Domini,
Cuius psallo

devote nomini,
Nam te sibi

elegit Dominus,
Ut humanum

deleret facinus.

35. Ave, cuius

processit abditis,
Qui Aegyptum

cum primogenitis
In excelso

percussit brachio,
Illos mergens

maris in medio.

36. Ave, mater,

et super flumina
Babylonis

tuos illumina,
Ut cum choris

cantemus caelicis
Hymnum tibi

de Sion canticis.

37. Ave, per quam

in bonis provehor,
Toto tibi

corde confiteor,
Confitentis

vocem exaudias
Et oranti

aurem aperias.

38. Ave, venter,

quem eius sessio
Decoravit

et resurrectio,
Qui sedentes

in mortis carcere
Novam fecit

ad lucem surgere.

39. Ave, virtus

et salus animae,
Superborum

furorem reprime,
Qui extendunt

funem in laqueum,
Ut me mergant

mortis in puteum.

40. Ave, mater

pone custodiam
Ori meo

et circumstantiam,
Ne in verba

cadam malitiae
Excusando,

quod gessi impie.

41. Ave, cuius

iuvamen postulo.
Nam in via

ista, quam ambulo,
Hostes multi

abscondunt retia,
Ne ad vitae

curram stipendia.

42. Ave, virgo

vivens feliciter,
Exaudi me,

quaeso, velociter,
Et, ne diu

in vanis ambulem,
Monstra mihi

viam, quam ambulem.

43. Ave, per quam

mundo innotuit,
Inclinare

caelos qui voluit
Et ad terram

descendit humilis,
Vanitati

ne essem similis.

44. Ave, virgo,

regina saeculi,
In te sperant
omnium oculi,

Quibus escam

de mundo corpore
Opportuno

dedisti tempore.

45. Ave, mundi

princeps et domina,
Tinctos solve,

caecos illumina,
Quae clementer

elisos erigis,
Iustos autem

foves et dirigis.

46. Ave, nubes

caelum aperiens,
Unde terra

suscepit sitiens
Imbrem novum,

foenum in montibus
Qui producit,

vitam bominibus.

47. Ave, Sion

et pacis civitas,
Cuius portas

ingressa deitas
Confortavit

earum pessulum,
Unde clausae

manent in saeculum.

47b. Ave, mundi

dotata principe
Quae frumenti

caelestis adipe
Satiasti

mundum famelicum
Panem ei

praebens angelicum.

48. Ave, virgo

potens in gloria,
In excelsis

quam laudant omnia,
Et in terris

ut matrem saeculi
Reges terrae

et omnes populi.

49. Ave, mater

regis iustitiae,
In quo Sion

exsultant filiae,
Qui potentes

reges cum gentibus
Legis suae

ligat compedibus.

50. Ave, virgo,

quam voce, tympano,
Sono tubae,

chordis et organo
Omnis laudet

devote spiritus,
Per quam victus

obit interitus.