6. Rosarium beatae Mariae V.

O Maria, florens rosa,
Prae omnibus electa,

Mater Christi speciosa,
Rosarium hoc accepta.

I.

1. Quem, virgo carens vitio
De flamine concepisti,
Dum Gabrieli nuntio
Humillime consensisti.

2. Quo impraegnata citius
Cognatam visitasti
Iohannemque celerius
Ventre sanctificasti.

3. Quem civitate Bethlehem
Laetando genuisti
Neque dolorem aliquem
Gignendo pertulisti.

4. Quem regis David genere
Mox natum adorasti
Ac vagientem ubere
Virgineo lactasti.

5. Quem pannis et fasciis
Constrictum reclinasti
Et suis obsequiis
Te totam mancipasti.

6. Quem magno tripudio
Angeli laudaverunt
Pacemque cum gaudio
In terris cecinerant.

7. Quem salvatorem omnium
Pastores agnoverunt,
Dum in praesaepi Dominum
Iacentem invenerunt.

8. Iuxta ritum hominis

Passus circumcisionem
Dulcis Iesu nominis
Cepit impositionem.

9. Qui a tribus regibus
Ferventer adoratur
Magnisque muneribus
Decenter veneratur.

10. Quem die quadragesima
In templo obtulisti
Ac Moysi legitima
Spontanee subisti.

ii.

11. Quem Herodem fugiens
Aegypto adduxisti,
Tandem inde rediens
Ad Nazareth venisti.

12. Quem ad festa transiens
Dolenter perdidisti,
Sed mox templum rediens
Gaudenter repperisti.

13. Quem manuum per opera
Sollicite nutrivisti
Et in aetate tenera
In omnibus providisti.

14. Quem Iordanis flumine
Iohannes baptizavit
Et agnoscens numine
Digito demonstravit.

15. Quem Satan astutiis
Trifarie temptavit,
Salvator sed versutiis
Prudenter obviavit.

16. Qui tuo pro oraculo

Aquam in vinum mutavit,
In quo suos miraculo
Discipulos confirmavit.

17. Qui obsessos plurimis
Daemonibus salvavit
Ac infirmos variis
Languoribus curavit.

18. Qui Lazarum cum filio
Viduae suscitavit,
Puellam cum prodigio
Ad vitam revocavit.

19. Qui cum peccatoribus

Frequenter manducavit
Hisque paenitentibus
Peccata relaxavit.

20. Cuius pedes lacrimis
Peccatrix irrigavit
Dolensque ex intimis
Veniam impetravit.

III.

21. In monte Tabor deforis
Iste transfiguratur,
Et gloriosi corporis
Maiestas declaratur.

22. Cum palmis celebriter

ln urbem quem duxerunt,
Vespere sed turpiter
Vacuum dimiserunt.

23. Qui in cena novissima
Pedes suorum lavit
Escaque nobilissima
Cum sanguine cibavit.

24. Qui horto mente anxia
Prolixius oravit
Et aquam prae tristitia
Cum sanguine sudavit.

25. Quem viri malefici

Crudeliter vinxerunt
Annaeque pontifici
Ligatum adduxerunt.

26. Cuius vultum turpibus
Sputis maculabant
Et pugnorum ictibus
Dire verberabant.

27. Quem Pilati sedibus

Damnandum praesentabant
Atque falsis testibus
Dolose accusabant.

28. A Iudaeis exhibitum

Herodes quem invisit,
Sed per despectum habitum
Ut fatuum remisit.

29. Ipsum indutum purpura
Columnae adligatum
Corona pungit spinea
Flagellis verberatum.

30. Quem confossum vulneribus
Milites subsannarunt
Ac Crucifige vocibus
Iudaei conclamarunt.

IV.

31. Quem ut reum sceleris
Pilatus condemnavit,
Crucis lignum umeris
Propriis baiulavit.

32. Calvariae quem vestibus
Loco exuerunt
Et manus cum pedibus
Cruci adfixerunt.

83. Pro suis tortoribus

Attente qui precatur,
Dum cracis doloribus
Extensus tenebratur.

34. Iste latroni omnia
Crimina dimisit
Ac paradisi gaudia
Ilico promisit.

35. Qui Iohanni discipulo

Te matrem commendavit,
Quem tibi in patibulo
In filium donavit.

36. Qui se relictum omnibus,
Dum patri querulatur,
Inimicorum vocibus
Turpiter blasphematur.

37. Qui dum exhaustis viribus
Sitio cantavit,
Fel et acetum faucibus
Miles propinavit.

38. Qui prophetarum edita
Consummans passione
Primi parentis debita
Persolvit ratione.

39. In manus patris tradidit
Spiritum pretiosum,
Alta voce dum edidit
Canticum dulcorosum.

40. Crucis mortem subiens
In pace obdormivit,
Electos eripiens
Infernum introivit.

V.

41. Satelles latus Domini
Lancea perforavit,
Hinc aqua iuncta sanguini
Abunde emanavit.

42. Cuius corpus sanctissimum
De cruce receperunt
Et sepulcrum mundissimum
Eidem aptaverunt.

43. Qui virtute propria

A morte resurrexit,
Teque a tristitia
Discipulos erexit.

44. Super caelorum sidera
Ascendit virtuose
Atque in patris dextera
Residet gloriose.

45. Qui pentecostes tempore
Spiritum emisit
Apostolis pro foenore,
Ante ut promisit.

46. Qui te super aethera
Valenter exaltavit
Et in sua dextera
Decenter collocavit.

47. Propter mundi scelera

Qui iudex est venturus
Singulorum opera
Strenue discussurus.

48. Dira qui supplicia

Est reprobis daturus,
Sed electis gaudia
Aeterna collaturus.

49. Qui parcit peccantibus
Veniam pollicendo
Et in se sperantibus
Viam adiciendo.

50. Orantibus rosarium

Aureum tuae matris,
Christe Iesu, propitium
Fac vultum tui patris.

51. Finitur hic rosarium
Mariae deauratum,
Iesu per compendium
Actibus decoratum.

Die einleitenden Verse nur A; 3 Mater Christi sponsa; statt dessen haben
BCD folgende Verse, mit denen Str. 51 zu vergleichen:

B: Suscipe rosarium,
Maria, deauratum,
Iesu per compendium
Actibus decoratum.

CD: Suscipe rosarium,

Virgo, deauratum,
Iesu per crmpendium
Vita decoratum.