Prima Quinquagena.

1. Ave, plasma deitatis,
Ab aeterno praeconcepta.

2. Ave, arca trinitatis,
Ante tempus praeelecta.

3. Ave, virgo generosa,
Ab angelo praesagita.

4. Ave, mater gratiosa,
Virtutibus redimita.

5. Ave, germen prophetale,
A patriarchis edita.

6. Ave, genimen regale,
Pontificibus genita.

7. Ave, in conceptu pura,
Carens labe primitiva.

8. Ave, matrem egressura,
Mundo decus allativa.

9. Ave, vivens in hac vita
Sine reprehensione.

10. Ave, velut margarita
Exsul a contagione.

11. Ave, praesentata templo,
Ibi Deo servitura.

12. Ave, laudando exemplo
Degens sub divina cura.

13. Ave, crebro angelorum
Dulci colloquio freta.

14. Ave, per quam mundanorum
Vana sunt gaudia siveta

15. Ave, pie salutata
Alloquio archangeli.

16. Ave, mire gravidata
A divo rectore poli.

17. Ave, per spiritum sanctum
Divinitus obumbrata.

18. Ave, in partu, post partum
Et ante intemerata.

19. Ave, visitans cognatam,
Elisabeth servitura.

20. Ave, Christum ad prophetam
Portans pereruditura.

21. Ave, in caelici partu
Subolis fecundissima.

22. Ave, in stupendi ortu
Sideris laetissima.

23. Ave, iubilatione
Angelica gloriosa.

24. Ave, quae accessione
Pastorum es gaudiosa.

25. Ave, circumcisione

Alumni fundens sanguinem.

26. Ave, quae a livione

Foedum mundasti hominem.

27. Ave, percipiens a magis
Munera quam largiflua.

Ave sublevatis plagis
Inopiae melliflua.

29. Ave, quae purificaris
Labe carens puerperae.

30. Are, prolem sacris aris
Sueto redimens munere.

31. Ave, persecutione
Herodiana fugata.

32. Ave, praemonitione
Angelica revocata.

33. Ave, precatura Deum
Ierosolymam ascendens.

34. Ave, duodennem natum
Docentem doctores cernens.

35. Ave, praedicatione

Alumni quae donis crescis.

36. Ave, multiplicatione
Fidelium hilarescis.

37. Ave, miraculis Christi
Mira affecta stupore.

38. Ave, ubertim fuisti
Eodem compta decore.

39. Ave, gladium doloris
Sacro ferens in pectore.

40. Ave, quae fontem amoris
Ictibus cernis deficere.

41. Ave, maesta deficiens
Saeculi exstincta luce.

42. Ave, lacrimis effluens
Sublato caelico duce.

43. Ave, Christo resurgente
Suaviter consolata.

44. Ave, morte destruente
Filio speificata.

45. Ave, mundum deserente
Redemptore gaudiosa.

46. Ave, caelos penetrante
Alumno hic fastidiosa.

47. Ave, charisma spiritus
Sancti abunde hauriens.

48. Ave, sublimes instinctus
In linguis igneis sumens.

49. Ave, in defunctione
Dolore mortis orbata.

50. Ave, in assumptione
Summis civibus stipata.