6. De Armis (Lancea et Clavis) Domini,

In 1. Vesperis.

1. Pange, lingua, gloriosae
Lanceae praeconium,
Per quam nobis copiose

Sacrum fluxit lavacrum
Passo Christo dolorose
Pro salute gentium,

2. Hasta nitet margaritis
Nimis coruscantibus,
Mucro gemmis infinitis

Sanguine vernantibus ;
Muniamur armis istis
Caelis exclamantibus.

3. Dulcis hasta, latus Dei
Te replevit sanguine ;

Dulcis mucro per cor Dei
Volvitur in flumine ;

Sic salvantur omnes rei
Tanto Dei munere:

4. Armat hasta viatores,
Ne frangantur taedio;

Mucro lavat peccatores
In ferventi fluvio ;

Roborantur bellatores,
Ne ruant in proelio.

5. Imperator, splendor patris,
Cum clavis et. lancea
Mundum purgat a peccatis

Pro sua clementia.
Salve, tantae pietatis
Infinita gratia !

6. Gloria et honor Deo
In paschali gaudio,
Laus a eterna sit pro eo,

Quod gessit in filio;
Fixa sit in corde meo
Crux cum suo Domino.