385. In s. Arnulfi Martyris.

In 1. Vesperis.
Antiphonae.

1. Criste, Dei patris

sapientia, gloria, splendor.
Aspira nobis

tibi solvere munia laudis
Martyris Arnulfi

meritis precibusque beati.

2. Huius adest nobis

mentes ad gaudia cogens
Natalis, hinc prosperitas
ad vota nitescat.

3. Gaudeat hinc collecta manus
pro munere, sanctus
Arnulfus quo perfruitur
super aethera notus.

4. Vincula tu nostri,

martyr venerande, reatus
Nunc prece desudans
instanter solve profunda.

Ad Magnificat.

A. Exsultet aula caelica,
Laetetur mundi machina,
Exsultet urbs Turonica,
Congratuletur Gallia,
Arnulfi, magni martyris,
Dum recolit sollemnia.

Ad Matutinam
Invitatorium.

Deum devotis mentibus
Adoremus fideliter,

Arnulfus, martyr inclitus,
In quo vivit feliciter.

Ad 1. Nocturnum.
Antiphonae.

1. Francorum fausto germine
Divino datus munere
Arnulfus venerabilis
Surrexit vir mirabilis.

2. Remensium Remigio
Tunc temporis episcopo
Oblatus est a patribus,
Cuius fuit filiolus.

3. Beatus praesul puerum
Suscipiens ut proprium
Alumnum altor aluit
Secundum legem Domini.

4. Pius pater, pius puer
Psallebant Christo iugiter;
Docebat doctor docilem
Discipulum et humilem.

5. Regi multum amabilis
Sanctus Arnulfus meruit
Neptam regis accipere
Sub coniugali foedere.

6. Sic maximus cum maxima
Coniunctus Christi gratia
Deum quaerentes pariter
Manent aeterni virgines.

Responsoria.

1. Politis in lapidibus.
Quibus caelestis struitur
Ierusalem, mirifica
Micat Arnulfus gloria,

V. Colore pictus rubeo
Martyrii cognitio.

2. Ingenuis parentibus
Arnulfus martyr genitus
Sublimitatem subolis
Submisit vitae meritis,

V. Magnanimus ut iuvenis
Iugum portaret Domini.

3. Divino tactus monitu
Fidelis Christi famulus
Relicta rerum copia
Fit paupertatis incola;

V. Olim dives in patria

Per mundum eget advena.

4. Romana sanctus limina
Deposcit apostolica,
Implorat patrocinia
Viae suae solamina ;

V. Loca sanctorum visitat
Per orbis ampla spatia.

Ad 2. Nocturnum.
Antiphonae.

1. Herilis pauper caelitus
Ut redeat admonitus,
Ravennatensem proprio
Urbem ditat hospitio.

2. Cum promeret Dominica
In nocte laudum cantica,
Clamare coepit anima:
Sancte Arnulfe, adiuva."

3. Benignus pater lugubrem
Benigne vocem audiens
Et animam eripuit
Et corpori restituit.

4. Ravennatensis contio
Dans operam miraculo
Festiva gerit gaudia
In hospitis praesentia.

5. O qualem operarium,

Quam gnarum Christi medicum !
Resuscitavit mortuum
Iam patientem feretrum.

6. Tu, pater, me, sanctissime,
De infernali carcere
Tu liberasti me pius,
Non te relinquam amplius.

Responsoria.

1. Cum civitas Turonica
Foret pastore vidua,
Sanctus Arnulfus strenuam
Suscepit echonomiam,

V. Electus et ab angelis
Maiorem gradum meruit.

2. Decem et septem per dies
Episcopatum obtinet,
Hispaniam post appetit
Novae fundator fidei,

V. Ut, qui praesens est ubique
Spiritu, sit et opere.

3. Sacerdos magnus Domini
Serpentem fisus adiit,
Dein stola collum vinxit,
In quoddam stagnum pepulit ;

V. Tunc rex et omnis populus
Christum credit baptizatus.

4. Conserva famulos

angue perempto
Ac, Arnulfe, polo

redde beatos,
V. Exaudi proprios,

altor, alumnos.

Ad 3. Nocturnum.
Ad Cantica.

''Benedictione itaque petitaignotae
peregrinationis arripuit iter.''

Responsoia.

1. Miles Christi

V. Ut caelestis . . . .

2. Praesul Arnulfus inclitus
Christi Domini famulus,
Postposita mundi pompa
Caeli petivit sidera,

V. Exsultans martyr caelicus
Paradisicola dignus.

3. Beatus martyr Domini
Pompatus vitae meritis
A servis caesus gladiis
Martyrium promeruit,

V. Iam dignus caeli requie
Ac paradisi munere.

Ad Laudes.
Antiphonae.

1. Cunctis valde venerandus
Est beatus Arnulfus,
Primum illis, quibus datus
Est a Deo corpore.

2. Felix martyr Arnulfus
Caeli stemmate fisus
Per corporis martyrium
Perenne sumpsit gaudium.

3. Metuende Deus, semper
o quam admirabilis,
Qui triumphum talem praebes
militibus propriis.

4. O athleta virtuose,
arnulfe, suppliciter,
Ut pro nobis Deum roges,
precamur humiliter.

5. Laudemus Dominum

gaudenti mente supernum,
Laetificat tanto

qui nos praesente patrono.

Ad Benedictus.

A. O martyr, propriam,

felix Arnulfe, catervam
Digna laude tui

recolentem gaudia festi
Semper sanctifica,

miti moderamine serva,
Te duce christicolis

iungatur iure perenni.