384. De sancto Aegidio.

In 1. Vesperis.
Super Psalmos.

A. Serve Dei vivi,

miserorum pastor, Aegidi,
Nunc pius exaudi,

quod nos canimus tibi laudi.

Ad Magnificat.

A. Laus immensa Deo

sunt huius festa diei,
In qua Graccorum

flos scandit ad astra polorum,
Inclitus Aegidius,

quia dulcia vota per eius
Vincula rumpuntur,

tempestates reprimuntur,
Sedantur morbi.

totique salus datur orbi.

Ad Matutinam.
Imitatorium.

Ut Domino vitae

iubilemus mente, venite,
Qui dedit Aegidio

sedem super astra beato.

In 1. Nocturno.
Antiphonae.

1. Florens Aegidius,

annis ortuque venustus,
Virtutum flore
pollebat nobiliore.

.2. Visibus internis

tener insistendo supernis.
Mundum dum sprevit,
studiis sanctis adolevit.

3. Exhinc signorum

fulgore puer meritorum
Irradiat florem

fundens ut nardus odorem.

4. Ecclesiae totis

venerando limina votis
Hostia fit viva,

spe fructificans ut oliva.

5. Iam Domini miles

annos intrat pueriles,
Sanat languentem,
tunica quem vestit egentem.

6. Enituit late

celebri sanans pietate
Daemonis astrictum

rabie serpentis et ictum.

Responsoria.

1. Florem produxit Graecia
Vernantem super lilia,
Aegidium, qui genere
Fulsit et dono gratiae.

V. Floruit tamquam Libani
Cedrus in domo Domini.

2. Austro spirante lenius

Perflatus est Aegidius,

Ut funderet aromata

Virtutum odorifera.
V. Flavit superni spiritus

Et fluxit aqua caelitus.

3. Ardens igne caritatis
Vir mirandae sanctitatis
Terram deserit natalem,
Spem secutus immortalem.

V. Obliviscens domum patris,
Verbis cor inclinans sacris.

4. Videns procelloso mari
Nautas fluctibus quassari,
Tulit opem desperatis
Sedans minas tempestatis.

V. Sicut incensum dirigit
Preces Deo, quem diligit.

In 2. Nocturno.
Antiphonae.

1. Iam celebris factus

eremique silentia nactus
Abstinet, artatur,

sitit, esurie cruciatur.

2. Sed pietas Christi

studio non defuit isti
Subsidium vitae

per cervam dans eremitae.

3. Vir Domino gratus,

dulcedine magnificatus,
Doctrina morum

pater efficitur monachorum.

4. Laudum vota Deo

redolentia cordis ab imo
Reddit et algentes

refovens alit esurientes.

5. Lux nova virtutis

medicinalisque salutis
Undique fulgebat

celebremque magis faciebat.

6. Cuius dulcisonis

informari documentis
Atque salutari

prece rex meruit revelari.

Responsoria.

1. Vir sanctus, mari transito
Vitae caelestis studio
A relatam dum visitat,
Febre puellam relevat.

V. Germinans virtute lignum,
Fructum ferens laude dignum.

2. Quo agnito Caesarius,
Praesul fide conspicuus,
Ob sanctitatis meritum
Eius petit adloquium,

V. Memor, quod dulcedo mellis
Exstat lingua sapientis.

3. Exacto iam biennio

Vir sanctus cum Caesario
Optata gaudet requie
Manens in solitudine,

V. Pennas sumens ut aquilae,
Mundi volans e turbine.

4. Caelestis sub norma vitae
Cuidam iunctus eremitae
Terram prece fecundavit,
Vires aegris redonavit.

V. Eius ergo memoria
Non recedet in saecula,
Qui tanta fulgens gratia
Terram prece fecundavit.

In 3. Nocturno.
Ad Cantica.

A. Iste corde et animo
Stabilitus in Domino
Nec post aurum declinavit
Nec in thesauris speravit.

Responsoria.

1. Admirans famam illius

Francorum princeps Karolus
Sancti viri se meritis
Commendabat cum lacrimis,

V. Sciens quod iusti precibus
Caeli patet introitus.

2. Servus Dei Acgidius
Fusis ad Deum precibus
Data videt in schedula
Deleta regis crimina.

V. Hoc factum est a Domino,
Quod ministrante angelo
Data videt etc.

3. Fragrans ardore fidei
Athleta fidens Domini
In urbe Nemausensium
Resuscitavit mortuum,

V. Ut lucerna lucens mundo
Quae non latet in occulto.

4. Altisona laude

Domino, pia contio, plaude,
Cui laus grata suo

fulget in Aegidio,
Quem mundo celebrem

facit et super aetberis arcem
Glorificat superis

consociando choris.

In Laudibus.
Super Psalmos.

A. Orante sancto Aegidio
Super altare schedula ei
Posita est ab angelo Dei.

Ad Benedictus.

A. Sit rex invictus,

Deus Israel, benedictus,
Gentem Gallorum

quia fecit habere patronum
Aegidium, captos

qui liberat, erigit aegros.

Per Horas.
Ad Primam.

A. In ea unum regis peccatum
aperte legebatur,
Quod scienter retinuerat,
quando confitebatur.

Ad Tertiam.

A. Vir Domini impetrata
Regi indulgentia,
Cum rediret ad locum suum,
Suscitavit mortuum.

Ad Sextam.

A. Silvam ferro

ignique depopulans
Coenobium struxit,

in quo ipse cum aliis
Sibi associatis

caelibem vitam duxit.

Ad Nonam.

A. Sancte Aegidi, munda nos
Prece a nostris maculis,
Qui in Nemausensi pago
Multis dares miraculis.

In 2. Vesperis.
Ad Magnificat.

A. O quam miranda est

potentia salvatoris
In meritis beati

Aegidii confessoris,
Qui apud Deum et homines

dignus memoria
Cum sanctis iam aeterna

Tripudiat in gloria.

Per Hebdomadam.

A. O Aegidi mirifice,

Qui soles vinctos solvere
A ferreis compedibus,
Solve nos tuis precibus
A peccatorum vinculis
Et a cunctis periculis.