Prima Quinquagena.

1. Ave, decus

omnium virginum,
Mediatrix

Dei et hominum,
Quae sprevisti

nequam consilium,
Coniunge nos

choris caelestium.

2. Ave, decor

et decus saeculi,
Christiani

spes vera populi,
Meditatae sunt

plebes inania
Fac, ut salvemur

Dei gratia.

3. Ave, templum

caelestis luminis,
Alma Dei

mater et hominis,
Multiplices

nos tribulantium
Preme minas

et insurgentium.

4. Ave, sedes

aeterni luminis,
Demonstratrix

perennis sideris,
Invocantes

audi propitia,
Tribulatos

ne spernas, domina.

5. Ave, verbi

Dei triclinium
Et spiritus

sancti sacrarium,
Pietatis

auribus percipe,
Verba nostri

clamoris suscipe.

6. Ave, virgo,

candor virgineus,
De qua nasci

dignatus Dominus,
Ne nos furor

divinus arguat,
Oratio nos

tua praemuniat.

7. Ave, mater

Dei et Domini,
Per quam Deus

subvenit homini,
Salvos nos fac

clemens ab omnibus
Et libera a

persecutoribus.

8. Ave, parens

illius Domini,
Cuius subest

orbis regimini,
Fac per tua,

virgo, suffragia,
Ut tecum simus

in eius gloria.

9. Ave, virgo,

quae sine termino
Confiteris

ex corde Domino,
Audi clemens

atque propitia
Nostri cordis

ad te suspiria.

10. Ave, mater,

de Dei filio
Quae confidis

sicut de proprio,
Fac, ne nostra

transmigrent animae
Abs illius

cibi dulcedine.

11. Ave, mater

Deum parturiens,
Dulcedine

tota scaturiens,
Quae verax es

prae natis hominum,
Redde nobis

placatum Dominum.

12. Ave, legis

et umbrae terminus,
Per quam mundo

subvenit Dominus,
Oblivisci

ne velis pauperum,
Sed munda nos

amore scelerum.

13. Ave, virgo,

quae Dei filium
Tenuisti,

lumen fidelium,
Aufer a nobis

insipientiam
Conferendo

veram scientiam.

14. Ave, Dei

reclinatorium,
In qua fixit
suum tentorium,

Fac, ut illum
fideles habitent,

Et quieti

in monte pausitent.

15. Ave, sancta

salvatrix hominum,
Quae lactasti

caelorum dominum,
Conserva nos

in omni tempore,
In anima

simul et corpore.

16. Ave, sedes

solis iustitiae,
Per te datur

nobis spes veniae,
Sic exaudi

nostra precamina,
Ut deleas

nostra peccamina.

17. Ave, cuius

sancta dilectio
Nimis ardens

adhaesit filio,
Libera nos

a malis omnibus
Tuis sanctis

orationibus.

18. Ave, cuius

narratur gloria,
In caelesti

sanctorum curia,
Ne cadamus

cum infidelibus,
Confirma nos

in bonis actibus.

19. Ave, plebis

Israel inclita,
Angelorum

transcendens merita,
Exaudi nos,

ne tribulatio
Comprehendat

nos in iudicio.

20. Ave, fulgur

divini sideris,
In virtute

cuius laetaberis,
Et quoniam

in te speravimus,
Consequamur,

quod de te poscimus.

21. Ave, virgo,

splendor virgineus,
Quam respexit

omnipotens Deus,
A delictis

nostris emunda nos
Et in bonis

tuis confirma nos.

22. Ave, David

regis egregia
Proles, Dei

mater eximia,
Colloca nos

in monte pascuis
Et reple nos

virtutibus tuis.

23. Ave, mater

terrarum domini,
Universae

qui plenitudini
Orbis praees

per ipsum filium,
Nos ad terram

perduc viventium.

24. Ave, regis

Ididae ferculum,
Maiestatis

divinae speculum,
Ne perpetim

ruborem sufferas,
Confidentes

in te non deseras.

25. Ave, mater

illius, omnium
Cui pater

dedit iudicium,

Iudica nos
in innocentia,

Etsi non sit
in conscientia.

26. Ave, virgo,

lumen fidelium,
Illuminans

mentes credentium,
Esto salus

fidelis populi,
Ne timeam

furorem zabuli.

27. Ave, vitae

caelestis ianua,
In conspectu

regis assidua,
Ad te clamat

omnis ecclesia,
Deprecata

sis ei venia.

28. Ave, lucis

aeternae radius,
In quam Dei

descendit filius,
Arietum

nos quasi filios
Affer Deo

peccati nescios.

29. Ave, virgo,

quae Dei filium
Exsultando

facis propitium,
Suscipe nos

in ulnis gratiae,
Ne laetentur

hostes ecclesiae.

30. Ave, per quam

remisit omnium
Deus tergens

culpas fidelium,
Culpas nostras

remitti obtine
Et munda nos

ab omni crimine.

31. Ave, pacis

aeternae visio,
Laus sanctorum

et exsultatio,
Quam merito

decet laudatio,
Repraesenta

nos tuo filio.

32. Ave, per quam

filii hominum
Benedicunt

aeternum Dominum,
Cuius semper

laus in ore tuo
Ab omni nos

munda superfluo.

33. Ave, per quam

Deus iudicium
Mitigavit

culpis fidelium,
Nocere notis

volentes iudica
Et impugnantes

pie pacifica.

34. Ave, mundi

propitiatio,
Peccatorum

spes et salvatio,
Delinquere

volentes reprime
Et timore

Dei nos imprime.

35. Ave, Dei

sermonum conscia,
Secretorum

eius non inscia,
Aufer a nobis

venenum aemuli,
Ne zelemus

maligna saeculi.

36. Ave, placans

furorem Domini,
Iram Dei

mitigans homini,

Ne iratus

Deus nos arguat,
Protectio

tua nos eruat.

37. Ave, manna

caeleste pariens,
Vias nostras

esto custodiens,
Conserva nos

a malo opere,
Ne peccemus

in lingua temere.

38. Ave, vera

propitiatio
Peccatorum

et exspectatio,
Ut intendat

filiis hominum,
Tu adiutrix

esto fidelium.

39. Ave, Christi

genetrix pauperis,
Sed egeni

pro nohis miseris,
Edoce nos

illias opera
Et in die

mala nos libera.

40. Ave, fontem

divinum sitiens,
Quasi cervus

ardorem patiens,
Fac, ut tui

Deum desiderent
Et in regno

tuo considerent.

41. Ave, mater

eius, qui iudicat,
Qui credentes

in se iustificat
Discerne nos

a nequam gentibus,
Ab earum

nos servans fraudibus.

42. Ave, virgo,

vatum progenies,
Quam praevidit

eorum series,
Fac consequi,

quod de te credimus,
Ut auribus

nostris audivimus.

43. Ave, verbi,

quod eructat pater,
Sanctissima

nutris atque mater,
Dic opera

bona, quae fecimus,
Et regi tege,

quod deliquimus.

44. Ave, summi

regis palatium,
Nostra virtus

atque refugium,
Adiuva nos

in hoc exsilio,
Ne occupet

nos tribulatio.

45. Ave, virgo

cuius profectibus
Omnes gentes

plaudunt manibus,
Cui caelica

iubilant agmina.
Ut exsultemus,

facito, domina.

46. Ave, mater

tonantis inclita,
Cuius magna

laudantur merita,
Fac nos cives

urbis uranicae
Et in monte

sancto constitue.

47. Ave, cuius

filium audiunt
Omnes gentes,

quaecunque sapiunt,
Fac nos cordis

aure percipere,
Quidquid de te

debemus sapere.

48. Ave, mater

deorum domini,
Ope nobis

succurre celeri,
Nos devotos

de terris evocans
Et in regno

superno collocans.

49. Ave, iubar

divini sideris,
Miseratrix

effecta miseris,
Iuxta tuam

misericordiam
Posce nostris

peccatis veniam.