8. De s. Maria Aegyptiaca.

In 1. Vesperis.
Super Psalmos.

A. Instanti sollemnio
Assurgentes devotio

Nostra gratuletur,
Mariae Aegyptiae
Laudis multifariae

Titulus donetur.
R. Vir sanctus Zosimas

venerabile corpus Mariae
Sepelit rigatum

lacrimis devotionis piae
Sollicitusque de

eius vocabulo
Nomen gloriosum

legit in sabulo;

V. ''Corpus eius in pace sepultum
est, et nomen eius vivet in
aeternum.''

Ad Magnificat.

A. Magnificetur Dominus
A sanctis et fidelibus,
Qui pulsam ab uberibus
Mariam lotis pedibus
Duxit in solitudinem
Dans cordis latitudinem.

Ad Matutinum.

Invitatorium.
Iubilemus Christo regi,
Qui sanctorum iunxit gregi
Mariam Aegyptiacam
Per abundantem gratiam.

In 1. Nocturno.
Antiphonae.

1. In ingressu Mariae
De vitiorum barbarie
Facta est confessio
Eius sanctificatio,
Haec est dextevac
Dei mutatio.

2. Quae vitae veteris

tunica dum se spoliavit,
Caelesti sponso

thalamum nova bponsa para-
vit.

3. Ista in Hierusalem
Filia Hierusalem
Et in templo Domini
Fit templum sanctum Domini.

Responsoria.

1. Beatum virum Zosimam
Deus ad suam gloriam
Declarandam, quae latuit,
Mutare locum voluit;

V. ''Secretum regis celare bonum
est, gloriam Dei revelare hono-
rificum.''

2. Cumque iuxta canonem
Claustri per solitudinem
Iret statuto tempore,
Vidit angelum in corpore;

V. Emicuit gemma

David exornans diadema.

3. Maria non parcens ori
Sancto pandit seniori
Lapsus vitae pristinae,
Pressa pridem ac depressa
Peccatorum pondere,
Post levata, levigata
Corpus librat in aere.

V. ''Suspendium enim elegit anima
eius et mortem ossa eius.''

In 2. Nocturno.

Antiphonae.

1. Posuit Dominus
Desertum in delicias,
Sicut veridicus
Praedixit Isaias,
Dum Mariam Aegyptiam
Illustravit per gratiam.
2. Non erit amplius desolata
Nec vocabitur

ultra derelicta,
Quae adhaesit Domino
Corde perfecto
fideque non ficta.
3. Elongavit fugiens
Et mansit

in eremi vastitate
Exspectans Dominum
Qui salvavit
eam tempestate.

Responsoria.

1. Benedictus

pater misericordiarum,
Qui salutem

procurat animarum,
Per quem vas contumeliae
Fit vas misericordiae ;
V. Benedictus Deus

totius consolationis,
Qui suam famulam

replevit charismatum donis.
2. Quae conscripta pactione bona
Coram Dei genetricis icona
Adorato ligno sanctae crucis
Dirigit pedes in viam salutis.
V. ''Quam pulchri sunt gressus
tui in calciamentis, filia prin-
cipis.''

3. Vultum lavans in Iordane

Confortatur Christi pane,

Pergit bene, currit tute

In virtutem de virtute,

Transit hoc edulio ;

V. ''Panem caeli Dominus dedit
ei, panem angelorum mandu-
cavit homo.''

In 3. Nocturno.

Antiphonae.

1. O mira Dei bonitas,
O praedicanda pronitas
Ad succurrendum homini,
Qui invocat nomen Domini.

2. Denigrata est cutis eius
super carbones ignis,
Et non est agnitus
vultus eius in plateis.
3. Nigra sum, filiae

Ierusalem, et formosa,
Facta sum dilecta
dilecto ex odiosa.

Responsoria.

1. Tres ad victus corporales
Secum deportarat panes,
Quibus in eremo vasta
Multis annis fuit pasta;

V. ''Non enim in solo pane vivit
homo, sed in omni verbo,
quod prodit ex ore Dei.''

2. Corde sursum ad
Deum intento
Maria unius

horae momento
In locum sanctae

dormitionis reducitur,
Posito corpore
libere Deo fruitur.

V. ''Sicut cervus desiderat ad
fontes aquarum, ita desiderat
anima mea ad Deum vivum.''

3. O Maria, mater pia,
Paenitentum quae es via,
Supplicantes die isto
Nos commenda Iesu Christo,
Qui te claram virtutibus
Locavit in caelestibus.

Dreves, Historiae rhythmicae. VII.

V. ''Veni, electa mea, et ponam
in te thronum meum, quia
concupivit rex speciem tuam.''

In Laudibus.
Antiphonae.

1. Mirabilis Dominus
In altissimis Mariam
Mirabiliter exaltavit.

2. Iubilemus Domino

in cordis exsultatione,
Qui Mariam revelavit
in crucis exaltatione.

3. Apparuit Domino Maria
In terra deserta et invia,
Ut videret virtutem

eius et gloriam
Uberem consecuta
misericordiam.

4. Benedicant Dominum
Omnes creaturae,

quas finxit,
Qui Mariam beatissimam
Larga manu benedixit.

5. Laudemus Dominum

devotissime cum angelis,
Qui pro Mariae paenitentia
gaudent in caelis.

Ad Benedictus.

Benedictus Deus

christianorum,
Qui conversionem

vult peccatorum,
Qui interventu

matris misericordiae
Eduxit Mariam

de lacu miseriae,
Quam post perfectam

paenitentiam
Ad suam suscepit

praesentiam.

In 2. Vesperis.
Ad Magnificat.

Decoratur virtutibus
Anima Mariae,

Illustratur divinitus

Dono prophetiae,
Eius sacro corpori,

dum terrae commendatur,
Bestiarum fortissimus,

leo famulatur.