83. De sancto Udalrico.

In 1, Vesperis.
Ad Magnificat.

A. Magnificemus Dominum
Angelorum et hominum,
Venerantes redivivum
Sancti patris et votivum

Udalrici transitum,
Per quem divina gratia
Suscitavit magnalia,
Quibus orbis illustratur,
Et beati compensatur

Confessoris meritum,
Terra, gens et patria,
Cuncta sint felicia ;
Felix pater, nos exaudi
Congaudentes tuae laudi

Et perenni gloriae,
Per te sola solidetur
Et divisa reparetur

Unitas ecclesiae.

Ad Matutinum.
Invitatorium.

Praesul Udalricus,

animo cum carne pudicus,
Regna subit vitae,

Christo iubilate, venite.

In 1. Nocturno.
Antiphonae.

1. Nobilis prosapiae
Puer Udalricus
Fractum tulit gratiae
Augustanae Rhaetiae,
Qua decurrit Lychus.

2. Dilingarum moenia

Hunc misere florem,
Cuius a fraglantia
Germinis Germania
Sacram hausit rorem.
3. Matris in visceribus
Nondum seminatus,

Dreves, Historiae rhythmicae. VII.

Signis evidentibus
In salutem gentibus
Est praedestinatus.

4. Tum paternae gloriae
Fama resplendebat,

Cultui iustitiae

Copia militiae

Votis respondebat.

5. Hinc Romana limina
Pater visitavit
Et sanctorum numina
Fletu miscens lumina
Supplex exoravit.

6. Iam praeventa spiritu

Vidua devota,
Subolis intuitu

Caelitus commota,
Domus in introitu

Pandit insta vota.

Responsoria.

1. Flos regalis sanguinis

Stemmate processit,
Quem praecelsi seminis

Alter Abram gessit,
Fide prolis incremento
Et iugali sacramento,
V. Nam in Sara fertili

Theoberga risit
Et in Anna sterili

Samuelem misit.

2. Infans in cunabulo

Cives inquietat
Et naturae speculo

Vagiens prophetat,
Quod in mundo fluctuante
Sit cum Moyse plorante;
V. Inter fletus aspidis

Ludit ad foramen
Robur augens validis,

Languidis levamen.

3. Lactis ab edulio

Puer est suspensus,

Quem divina sanctio

Movit ad ascensus,
Sationis primitivos
Ut sic sacros potet rivos ;
V. Novus heres veteri

Isaac succedit,
Fortis quaerens fieri,

Fortes cibos edit.
4. Sacra post crepundia

Puer Deo gratus
Floruit facundia

Literis aptatus,
Sed detraxit theoriae
Dura lippitudo Liae;
V. Brevi noctis spatio

Caelitus docetur,
Quod docentis studio

Tardius habetur.

In 2. Nocturno.
Antiphonae.

1. Renuit conubia
Stabilis athleta,
Sancta vera nuntia

Detegit secreta
Et futura pracscia
Veri fit propheta.

2. Heros dives merito
Vitans voluptatem,
Stupefactus subito
Didicit ex abdito
Causae pietatem.

3. Huius innocentia

Ioseph adaequatur,
Qui relinquens pallia
Fugit ab Aegyptia,
Mente ne labatur.
4. Prolis desiderio

Captus vehementer,
Damni sine vitio
Rato matrimonio
Gignit excellenter.
5. Indolis eximiae

Fert Hugbaldus natum,

Qui caelcstis patriae
Ac futurae gloriae
Cepit principatum.

6. Patriarchis igitur

Primis comparatur,
Quibus sero nascitur
Foetus, qui diligitur,
Tener ablactatur.

Responsoria.

1. Vox caelestis gratiae

Puer[um] praesagit,
Dragmate scientiae

Quod nil foris agit,
Artis viget magistralis
Ubi vis et spiritalis;
V. Paulus sic caelestia

Percipit divina,
David ad regalia

Fungitur doctrina.
2. Theoberga nobilis

Sponso viduata,
Bersabeae similis

Sedet desolata,
Cuius ad solacia

Natus adolevit,
Quem superna gratia

Spiritu replevit ;
V. Trucidato vitio

Haeret paradiso,
Dans lamenta socio

Corde indiviso.

3. Caeiitus ut Aaron

Praesul est electus,
Ut propugnet, in Sion
Plebis dux effectus,
Similis leoni ludae,
Pelli Gedeonis ndae;
V. Duros verbis arguit
Novus Heremias,
Muros urbis exstruit
Alter Nehemias.
4. O sanctorum consulem
Vita Seraphi[num],
Udalricum praesulem,
Qui dum ad divinum

Ministraret sacramentum,
Vidit gloriae conventum ;
V. Super virum dexterae

Dextera descendit
Et sacrantis libere

Meritum ostendit.

In 3. Nocturno.
Ad Cantica.

A. Ave, pontifex benigne,
Ut te tui laudent digne,
Fac, ut semper exaltentur
Teque dulce glorientur.

Responsoria.

1. Superum frequentia

Sanctus hic stipatus
Fruitur scientia

Sempiterni status,
Conspicit magnalia

Divae maiestatis
Et futura proelia

Christianitatis ;
V. Sic Iohannis oculo

Caelica perpendit,
Isaiae titulo

Dominum intendit.

2. Ardens intus caritate
[praesul] venerabilis
Foris lucet pietate,
Signis admirabilis
Morbis omnibus medetur
Et oppressis miseretur;
V. Manibus angelicis
Flumina transivit,
Hostiis pacificis
Portum inquisivit.
3. Gigas iste nobilis,
Gigas vere fortis,
Curreus via pugilis
Virginalis sortis,
Insignitus est tropaeo
Totus ambulans cum Deo;
V. Plus cucurrit in agone

Motus carnis conterens,

Quam athleta spe coronae
Necis ictum sufferens.

4. Vere felicem praesulem,
Vere fidei doctorem,
Quo parante Christo sacra
Dextra cum ipso superna
Ad firmanda plebis corda
Sacra consignavit sancta;

V. ''A Domino factum est istud
et est mirabile in oculis
nostris.''

In Laudibus.

Antiphonae.

1. Salve, flos angelice,

Christus quem plantavit,

Vir, in quo magnifice
Dominus regnavit.
2. Dum sudares in lectica,

Prudens apis ut formica,

Sacri olei virtute

Vires tibi sunt statutae.
3. Helisaeus et Helias

Spiritales tibi vias

Praepararunt in fluentis

Mitigatis elementis.
4. Actu, moribus et vita,

Comis Christi parasita,

Fac nos semper benedici

Versus dolos inimici.
5. Omne spiramentum laudet

Regem caeli, per quem gaudet

Liber spiritus in caelis

Christi famuli fidelis.

Ad Benedictus.

A. Clarus mixtarum

caligine vir tenebrarum
Dum micat astrorum

non impar lumine morum,
Pascitur aurorae

stillantis gaudia rore,
Donec in extremo

satietur sole supremo.

In 2. Vesperis.
Antiphonae.

1. Gratulare, Suevia,
Nobilis patroni
Suscitans praeconia
Nova laude throni.

2. Ubi ludunt phialis

Summae hierarchiae.
Coram agno cymbalis
Resonantes pie.

3. Plaude, mater, filio
Plausu laetabunda,
Cuius patrocinio
Laudis es fecunda.

4. Ecce, vesper orbitis
Gyrat occidentem,

Dum vir tantis meritis
Solis implet gentem.

Ad Magnificat.
A. Eia, praesul alme Dei,

Sacerdotum gloria,
Qui charactere fidei

Morbos et daemonia,
Mortem pellis ut diei

Langueat malitia ;
Gaude, cuius est iucuudum

Nominis praeconium,
Chorum cerne laetabundum

Laudis ad obsequium,
Tabescentem fove mundum

Vitae dans subsidium,
Nos indignos speciali

Iam exemptos saeculo
Vel iustorum generali

Fac ascribi titulo.